Texts
Return to list | edit | delete | Create a new | history | Statistics | ? Help
Kuldaine prihä
Kuldaine prihä
Veps
Northern Veps
Ende
oli ukk da akk .
Koume tütärt oli .
Nene tütred hard'amaha käutaze ehtkįiččel koumen kesken kil'betihe .
Nece Ivan-carevič kundlob perteses , mida hö pagištaze .
Kaikiš vanhamb sizar sanub :
– Mindei otaiž Ivan-carevič mehele , ka mina tegižin ühtes kuidužes koumeuččed
sobad .
Keskmäine sizar sanub :
– A mindei otaiž Ivan-carevič mehele , mina ühtes taignas koumeuččed leibad
paštaižin .
Koumanz’ sanub :
– A mindei otaiž Ivan-carevič mehele , ka ühtes kohtus koume bohatįrid rodižin : tukaine kuldaine , toine hobedaine oliž .
Nece Ivan-carevič nai , necen noremban tütren ot't’ .
Nece murz'ain kohtištį .
Rodi koume poigad : tukaine kuldaine , toine hobedaine .
Rodihe ka käs’k Ivan-carevičale :
– Ivan-carevič , mä babeid ecmaha , ala ota d'agi-babad babaks .
Nece Ivan-carevič läks’ dorogad möto , astub , ka d'agi-babb vastha tulob , sanub :
– Zdrasvui , Ivan-carevič !
Edahaksįk mäd , Ivan-carevič , - babei-se küzub .
– Män babeid ecmaha .
– Ota mindei .
– D'agi-babeid ei lasknu otta , hän sanub .
Hän möst sanub :
- Mäne hot’ mii , ka mijal kaik d'agi-babad .
Nece d'agi-babb orgeiči , a Ivan-carevič dorogeiči .Möst vastha tulob Ivan-carevičale .
I o'tt’ babaks necen d'agi-baban .
Tuld'he , kil'bet’ lämbitet'he lapsile .
Nece babei tonu koume koirkužud .
Nece d'agi-babb ot't’ kil'betihe koume last .Hän siga pezet’ nenid lapsid , da i päst’ lagedaha pöudho , vihändaha normhe nenid bohatįrid .
Nece babei tuli kil'betišpei , sanub Ivan-carevičile :
– Eilä silei akaiž rod’nu bohatįrid , a om koume koirkužud rod’nu .
Nece Ivan-carevič sanub :
– Ezmäine viga oukha prost’tud .
Nece vs'o ravno möst murz'ain kohtištį , vs'o ravno möst rodi koume bohatįrid : tukaine kuldaine , toine hobedaine .
Rodihe ka käs’k Ivan-carevičale :
– Ivan-carevič , mä babeid ecmaha , ala ota d'agi-babad babaks .
Möst läks’ Ivan-carevič babeid ecmaha .Ka tulob d'agi-babb vastha , sanub :
– Zdrasvui , Ivan-carevič !
Edahaksįk sina mäd , Ivan-carevič ?
– Män babeid ecmaha .
– Ota mindei .
– D'agi-babad ei lasknu otta , hän sanub .
Hän möst sanub :
– Mäne hot’ mii , ka mijal oma kaik d'agi-babad .
Nece d'agi-babb orgeiči , a Ivan-carevič dorogeiči .Möst vastha tulob Ivan-carevičale .
Uk-se necen baban möst ot't’ babaks .
Hän möst vönu lapsid kül'betihe .Siga babei möst päst’ lapsid nenid .
Murz'ain nece kaks’ last andei kül'betihe , a ühten dät't’ oiktan nižan alle .
D'agi-babb nece tuli kül'betišpei , Ivan-carevič sanub :
– Kacu , sanub , koume bohatįrid om rodnu , a kacu , koirkužud oma .
Nece Ivan-carevič tegeteit’ bučun , roudaižed vandhed , necen murz'aimen pani sinna bučhu i päst’ Änižehe heid .
Nece Ivan-carevič nai , ot't’ d'agi-baban tütren mehele .
Eläškat'he hö ...
Nece bučč siga kačaihe , kačaihe , siga d'o nece prihä kazvei suureks .
– Oi , mamuško , d'ougaižed oigendan !
– Ala , nadi , oigenda , süväs sijas olem ...
Randha tuliškathe d'o , kuulišt’ , kirskaht’ d'o ma .
Kačai d'o hiid randha .Nece prihäine d'ougad oigenz' , nece bučč i hougen’ .
Ned sigapei i lähttihe , mamm da poig .
Prihä suur’ , hivä , tukaine kuldaine , toine hobedaine .
Mamm sanub :
– Poig , kut mö naku eläškandem ?
Poig sanub :
– Mama , vere magatta , ala holdu .
Magatihe ö .
Homesel lübutihe , ka i pert’ d'o tehnuze sihe lujas hivä .
– Nügut , sanub , – meile eläda-se om lujas hivä , bateiž nügut vaise meil oliž ...
Nügut nece prihä mäni , kivudehe painį , i nene kaik molodcad sihe tuld'he , velled hänen dai bat't’ .
Hö kaik zdorovkaihe , eläškathe siid .
Kuldaine prihä
Veps
Northern Veps
–
–
–
–
–
-
–
–
–
–
–
–
–
–
Золотой мальчик
Russian
-
-
-
–
–
–
–
–
–
–
–
–
–
–