Texts
Return to list | edit | delete | Create a new | history | Statistics | ? Help
Bohat vel'l' i gol'l’ vel'l'
Bohat vel'l' i gol'l’ vel'l'
Veps
Northern Veps
Bohat
vel'l' oli kuudantegii , a gol'l’ vel'l' oli luudįdetegii .
Ühten kerdan gol'l’ läks’ mecha tomha luudįde oksid , mecas nägišt’ čoman lindun i duumeib :
- Kut pidab nece lind sada ?
Ot’ kirvhen , taci lindhu i rikoi lindun .
Tob kodihe , vellele sanub :
- Miččen bude lindun rikoin .
Bohat vel'l' sanub :
- To tänna .
Hän toi .
Bohat sanub :
- Mö milei .
Gol'l’ sanub :
- Ota .
– Äjanįk maksab lind ?
Gol'l' sanub :
- Kaks’ rubl'ad .
– Ota dengad .
Bohat vel'l' ot’ lindun , känd’ oiktan suugan , kaccub – om kirditet :
"Ken necen lindun söb , sel liinob suur’ vägi ".
Ot’ , känd’ huran suugan , siga om kirditet :
«Ken necen lindun söb , sel liinob d'oga ön pölusen ai viiž rubl'ad , kuudeine monet .»
Bohat vel'l' käskob ičeze akale :
- Žari nece lind i ala anda nikelle , krome vaise mili söda .
Necel aigal tuld'he gol'l’an vellen lapsed i necen lindun söd'he i lähttihe vereile .
Tuli emag tanhalpei , kaccub – žarkijad iilä .
Mii nugutte tehta ?
Ot' , kukįil pän čapoi i tegi toižen žarkijan .
Tuli kodihe mužik [sanub ]:
- Anda , ak , söda .
Ak hänele necen žarkijan andoi .Hän sei .Ver’ magatta i homesel nuuz’ , väged ii ližanu i kuudašt’ monetad ii olnu pölusiš .
A gol'l’an lapsed nuustihe , hiil ližan’ väged i molembil oli üksin monetin kuudeižin pölusiš .
Neciš päliči gol'l' vel'l' bohattui .
Bohatale vellele tegihe zavidno .
Kucįi vellen fateraha :
- Kuule vei , vel'l' , silei om pertiš ii čistį duh , nened lapsed oma silei čortad , hiid sina izvodi , bude däda ičelįiž eläbaks .
Tuli vel'l' kodihe , sanub akaleze :
- Kuule vei , ak , miil pertiš om pahad az'z'ad , lapsed miid riktaze , mii pidab nugune tehta ?
Ak hänele sanub :
- Pidab mecha vöda i sinna dätta .
Ahttihe lapsile üksin höbįin i koirin i oružd'an .
- Lapsed , tänambei lähtem sen'he , tö lähtett höbįil , otkat oružd'ad i koirad .
Muga i teht'he .
Mänd'he mecha kümnen virstan taga i segoitet'he lapsid , dättihe sinna , a iče lähttihe kodihe .
Lapsid tabaz’ pimed ö .
Lapsed i sanutaze :
- Mida nugune tegem ?
Pidab tehta lämįi .
- Tege sina , vel'l' , lämįi , a mina san žarkijan .
Mäni väheižen aigad , kaccub : edes kondi kahten poiganke .
- Nugune mina ambun .
Kuulob , kohdi pagižeb :
- Ala ambu , mina andan sili poigid , hö sili prigodiše .
Nece laps’ ii ni ambnu , a ot't’ poigid kondjalpei i vei vellele :
- Ala pästa nikuna , vel'l' .
A se muga i tegi .
- Mina möst lähten , enįk keda sa žarkijaks .
Möst läks’ .Vähän astub , tulob vastha däniš .
- Dänišan mina ambun .
Däniš sanub :
- Ala ambu , ota milei kaht dänišutt , hö sili prigodiše .
Muga i tegi hän .Toi vellele i sanub :
- Möst toin kaks’ zverid , min tegem , žarim vei dätam ?
Toine vel'l' sanub :
- Ii pidä žar’da .
Ladihe pimed ö .
Verd'he magatta velled .
Magatihe ön , tuli homez , pidab mända edeleze .
Mänd'he hö mecad möto kaiken päivan .
Ehtbokas tuli dorog .
Mäba hö dorogad möto .
Tuli kaks’ tesarad .
Noremb vel'l' sanub :
- Mina lähten oiktale .
A vanhamb vel'l' sanub :
- Mina lähten hurale .
Necel sijal hö i dägįihe , toine toižele sanutihe , kut pidab uuz’ kerd lüuta toine tošt’ .
Noremb vel'l' i sanub :
- Dätkam mö tänna üks’ stokan vedenke .Kudamb miiš tulob nakhu i kacub , vezi om bude sportnuze , sida vel't iilä eläbad .
Anttihe kätt i iče lähttihe .
Noremb vel'l' tuli lidnha , küzub rouhal akal :
- Iik sa mili faterale tulda ?
Akeine sanub :
- Voib .
Hän azotihe , küzub akeižel :
- Mikš oma lidnas mustad flagad ripputet ?
Akeine sanub :
- Homen carin tütren vödaze drakonan mäthale gadale sömaks .
Nece gad om sönu lidnas kaikid niiččid .
Nece önik sanub :
- A sabįk mili mända sinna kacmaha ?
Akeine sanub :
- Voib .
Tuli uuz’ homez .
Nece önik osedlaič höbon , ot’ koiran , kond'd'an i dänišan .
Tuli edel kaikid sille mäthale i varastab .
Päliči pordon tod'he carin tütren i dättihe mäthale , a iče kaik svita läks’ tagaze lidnha .
Tuli se aig , tegihe döl , šumiškat'he puud .
Kuulob – tulob gad .
Hän ot’ i plitale ištįihe , kacub – pliitha om kirditet :
«Ken necen plitan lendab , plitan al om sabl’ i posudin vägevad viinad , ken necen viinan d'ob , se voiškandob vladet’ necil sabl'al i necil sabl'al pobedib gadan .»
Hän muga i tegi .
Hänel tegihe suur’ vägi .
Tuli gad , gadal oli kaks'toškime päd , gad i sanub :
- Mina pakičin ühten , a siid om kaks’ ...
Läks’ hiilazei boi .
Silač čapįi kuuz’ päd i hänel värištįi sabl’ .
Toižen kerdan mahni , čapįi nel'l' päd i sabl’ katten’ .
Hän sanub koirale :
- Abutagat mili rikta gad .
Koir , kondi i däniš hiitihe družno , rasttihe däl'gmeižed kaks’ päd .
Nece silač i ihastįi .
- Nugune , hän sanub , – az'z’ om tehtud , pidab tehta lämįi .
Teht'he lämįin , čaptihe hilliile necen gadan , pand'he lämįihe , a žezlad (kelideke ) bogatįr’ ot’ ičeleze .
I läks’ nece sijalpei i tuli butkha , kus oli carin tütär , se oli poleleze kolnu .
Bogatįr' händast nuust’ :
«Ala varaida , gad om riktud .»
Se ii veri .
«Kacu naku om sili kaik dokazatelstvo , kacu «žezlad », om kaks'kime nel'l' štukad .»
Carin tütär händast terveht’ , andįi hänele kuudeižen kolcaižen i nosovijan paikan , a zverile sidei šuukįžed lenteižed kaglad möto .
Nece niižne sanub :
- Nugune muga tegem ...
Sanub bogatįr’ :
– Mina tahtįin magattaha .»
Koirale sanub :
- Karauli kuni mina magadan .
Koir karauli väheižen , kondjale sanub :
- Karauli , mina veren magattaha .
Kondi kacii väheižen i sanub dänišale :
- Kacu väheine , mina veren magattaha .
Däniš kacii väheižen , mugažo ver’ magattaha .
Nugune kaik magataze , a carin tütär ii magada .
Necel aigal sel'git’ car’ necile mäthale ičeze slugan :
- Mä , riža völ , iik ole minun tütär eläb i to tänna mili sana .
Se muga i tegi .
Tuli hän mäthale , kacub – carin tütär om eläb .Hän hänel küzub :
- D'o oli gad ?
Carin tütär sanub :
- Oli , gadan rikįi nece mez’ , kudamb magadab kondijanke , koiranke i dänišanke .
Carin sluga sanub niiččele :
- Sanu , mise mina rikįin ičiiž batäliiž , a ed sanune , ka mina silei pän čapan .
Carin tütär andii soglasijan .
Carin sluga ot’ sablän kädehe i čapii pän necil bogatiril .
Sluga i carin tütär lähttihe lidnha carinnu .
Car’ küzub :
- Mida igas ii olnu , mina ičelįin en veri , mise nece minun silmihe d'aviše tütär .
Sluga sanub :
- Enambad nece gad ii koske nikeda , mina händast rikįin .
Car’ sanub :
- Neciš hüvudes mina andan sinun taga tütren mehele i polen ičiin mad .»
I teht'he svad'ban .
Necel aigal libįi däniš , nuustab kondijan i koiran :
- Miil om bed – ižandal om pä čapetud .
Kondi i koir verdutihe dänišan päle :
- Mö sindei rikom neciš az'z'as .
Däniš sanub :
- Algįi rikkį , mina necen az'z'an ladin , pästkat mindei vaise mecha .
Koir sanub dänišale :
- Mä i päliči časus tule tagaze .
Däniš läks’ i toi eläbad i kol'l'an vett , sanub :
- Pidab nugune voita ižandale kagl , i pä panda tagaze .
Muga i teht'he .
Vaise pä pand'he ii muga , a sel'ghapei rožin .
Siid voithe eläbal vedel , bogatįr’ i nuuz’ .
Kaccub – iilä pä muga .
Koir verdįi dänišan päle :
- Ed muga tehnu , mina sindei ratkeidan .
Däniš sanub :
- Voikam möst kol'l'an vedel .
Muga i tehthe .
Pän hiittihe irdale i pand'he uudheze , voit'he eläbal i kol'l'an vedel .
Bogatįr’ nuuz’ , sanub :
- Mikš milii laskitei hätken magata ?
Koir hänele sanub :
- Sikš mise mö kaik magazim .
Bogatįr’ sanub :
- Kus-žo om carin tütär ?
Däniš sanub :
- Hän kodihe läks’ .
Bogatir’ sanub :
- Lähkam i mö kodihe .
Ištįihe höbole i lähttihe kodihe .
Tuld'he möst necile faterale .
Tuld'he i küzutaze babeil :
- Babuška , mikš oma lidnas čomad flagad ripputet ?
Se sanub :
- Carin tütär lähtob mehele .
Bogatįr’ küzub : «Kenen taga ?»
Se sanub :
- Slugan taga , hän spas carin tütren , a neciš päliči car’ andab tütren mehele i polen mad ičeze .
Bogatįr’ küzub :
- Babuško , sabįk miile mända svad'baha ?
Babei sanub :
- Kaikile voib .
Bogatįr’ i läks’ .
Pani carin tütren kol'can kačasormele , sidįi träpican , mise ii nägiiš .
A car’ oli annu prikazan : svad'baha pästta vaise tervhid .
Konz hän tuli carskijaha dvorcha , dohtur küzub :
- Mikš om sor’m sidotud ?
Bogatįr’ sanub :
- Däniš puri .
– Kus om däniš ?
Hän sanub :
- Kalidorale om dättud .
Dohtur slugale sanub :
- To tänna .
Sluga toi .
No dohtur sanub bogaįtrile :
- Pidab sor’m kacta .
Necel aigal koir , kondi i däniš mänd'he sinna kus old'he nevesta i ženih .
Nevesta lüubi kondid .
Hän ot’ , dročib kädel kond'd'an kaglad möto i puutįi lenteine kädehe .
Nevesta sanub :
- Necen zverin mina nähnu olen sel mäthal , kus mindei tahtel’ gad söda .
Ženih ot’ pahan mel'he .A dohtur hiit’ träpican sormespei i sanub :
- Kuss sina otid necen kol'can ?
Bohatįr’ sanub :
- Mili podari carin tütär ses az'z'as , mise mina rikįin gadan .
A dohtur doloži ičeleze carile .
Pidab hiitta sanad , kut om puutnu kol'c necile mehele .
Car’ kucįi necin bogatįrin ičeze komnataha i küzub :
- Kut silii puutii nece kol'c ?
Hän möst sanub sen , min sanįi bogatįrile .
Car’ völ küzub :
- Om völ miččid dokazatel'stviid ?
Bogatįr’ sanub :
- Om !Dokazatel'stv om : kol'ceine , nosovi paikeine , kaks'kime nel'l' žezlad gadaspei , kudamen mina rikįin .I koir , kondi i däniš , hiile oma sidotud kaglale šuukįžed lenteižed , sidįi tiide tütär drakonan mäthal .
Necen kaiken faktan tedištet'he , car’ sanįi :
- Bude želaid otta händast mehele , ka sina liined minun vävu i andan polen mad .
Necen kaiken muga i teht'he .
Vät'he svad'ban .Däl'ges svad'bad kuįci car’ slugan , küzub slugal :
- Ken silii käsk mänitada carin .Neces vigas päliči kahtes časus silei liinob hiittud pä .
Däl'gele necida svad'bad carin prikazan vįpolnithe : slugal čapetihe pän , a bogatįrin taga anttihe tütren .
I nece bogatįr’ däl'ghe kaiked pirovanjad läks’ mecha ohotimaze .
Ot't’ höbon , koiran , kond'd'an , dänišan i mecas hän ödui .
Tegi lämein kuzen alle i tahtlob ön magata .
Kuulob kuzespei paginan :
- Milii vilu om .
Carin vävu sanub : «Laskte alahaks i lämbitelde necil lämeil .»
Kuzespei sanub :
- Mina sinun zverid vareidan , sinun zverid mindei purdaze .
– Ala vareida , ii koskkoi .
Kuzespei möst pagin om :
- Kuule , nor’ mez’ , ota oks , kudamen mina tacin i paina hilläšti ičiiž zverid .
Carin vävu muga i tegi .
Iče , höbo , koir , kondi i däniš tegihe kiveks .
Tuli necile tesarale vanhamb vell , o'tt’ kädehe stokanan , kaccub , vezi om sportnuze i dumeib : «Minun vel't iilä eläbad .Pidab mända nugud' hänen dorogad möto ».
Läks’ hän sida dorogad möto , kuna mäni noremb vel'l' i tuli lidnha .
Kaccub , om kirditet prikazad , podpis’ om pandud caril .
Prikazan oli kirditet caril : «Kadįi nor’ vävu , ken lüudab , sille andan hivän höbon i nel'l' tuhad zolotad .»
Nece vanhamb vel'l' lugi prikazan , mäni , lüuz’ ičeleze fateran i fateran ižandal küzub :
- Ken mugįtte om vävu ?
Fateran ižand sanub :
- Oli tulnu mez’ , en teda kuspei , höbol raccil , koiranke , kond'anke i dänišanke i tegi vot ningoman az'z'an : päst’ surmaspei carin tütren , siš päliči puutįi carin vävuks .
Vanhamb vel'l' ott’ päha : Pidab lüuta vel'l' .
Läks’ hän samha lihäd mecha .
Tuli necile sijale , kus om vel'l' .
Ladihe ö .
Tegi lamein , pani lindun kiitta .
Kuulob kuzespei paginan :
- Milii om vilu .
Alahanpei hänele om otvet :
- Laskte , lämbitelde .
– En rohti , sinun koirid vareidan . Na , ota viceine i paina ičiiž koirid , ika mindei purdaze .
Alahanpei sanub :
- Ala vareida .
– En rohti .
– No ka ed rohti , ka mina sindei lasketan ,- sanub vanhamb vel'l' .
A kut sina mindei lasketad ?
– Kebneidešti .
Ot't’ oružd'an kädehe , pani patronan oružd'aha .
- Völ sanun : laskte alahaks .
Hän ii lasknuze .
Hän ot't’ i ambįi ulähaks sihe meheze , a se mez’ nagranke sanub :
- Oli sinuniččid da kaik sinun al .
No , alembeine sanub : «Sanu , kus om minun vel''l , a ed sanune , ka mina sindei rikon .»
Kuzespei sanub :
- Sinun pul’k mindei ii riko .
Alembeine ot't’ , tegi ristan pul’kha , ambįi ülembeižele i ülembeine langen’ hänennu .
A alembeine pol’g hänele kurkule .
No , necile volšebnikale mända oli ii kuna ...
Nuust’ hänen vellen , höbon i zverid .
Nuustihe , velled kaburzihe , tervehtet'he i lähttihe carinnu .
Tuld'he hö carinnu .Carin vävu i sanub :
- Nece om minun vel'l' , mö olem segoitut , miid batei kadot’ mecha .Vot hän nugude lüuz’ mindei , a mina toin händast sinunnu ».
Mii oli kirditet prikazas , sen car’ i maksįi .
Däl'gele necida tegi svatule balun .Necil balul vanhamb vel'l' kert’ ili gulei i mina , Kuzov , necil balul olin , pivad dein küläks , huulįd möto vod’ , a suuhu ii puutnu .I humalzįin i car’ mindei potki irdale .
Bohat vel'l' i gol'l’ vel'l'
Veps
Northern Veps
-
-
-
-
-
-
"
«
-
-
-
-
-
-
-
-
-
-
-
-
-
-
-
-
-
-
-
-
«
-
-
«
-
–
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
Богатый и бедный братья
Russian
–
–
–
–
–
\"
«
–
–
–
–
–
–
-
-
–
–
–
–
–
–
–
–
–
–
–
–
–
–
«
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–