Texts
Return to list | edit | delete | Create a new | history | Statistics | ? Help
Gluupad rahvaz
Gluupad rahvaz
Veps
Northern Veps
Ende
eletihe ukeine i akeine .
Mad heilaze ii olnu .I vot semetihe hö nagrišt’ ičeze pertin päle .
I vot kaikuččen päivan ukeine kävelob kacmaha kut kazvab nagriž .
Ezmeižel päival nagriž kazvei kopeikan surččeks , tošpäan nagriž kazvei koumen kopeikan surččeks , a koumandel päival – pätakon surččeks .Nelländel – d'o askei blödeižen surččeks .
Tuli ukeine kodihe i sanub akeižele :
– Kacu , akeine , nagriž pidab otta , eika kazvab lujas suureks i labotab miide pertin .
Akeine sädihe i lübįi pertin päle nagrišt’ otmaha .
Töuden havadon väli gurbha i zavodi päzda soumad möto , no käded akeižel väzd'he , akeine langen’ alahaks ägesšorpįile i rikeihe .
Ukeine veik , veik i pani akeižen potletaha , a iče läks’ veikteid ecmaha .
Tuli kana vastha :
- Kuna astud , ukeine ?
– Veikteid ecmaha .
– Ota mindei .
– Mahtadįk voikta ?
– Mahtan .
– Nu ka ištte regehe .
Potom tuld'he vastha däniš , rebei , händikaz i kondi .
Ištut’ ukeine kaikid regehe i toi kodihe .
Soubaz’ heid potletaha akeižennu , a iče läbi lavas küzelob veikteil :
- Dö veikitt ?
Sed sanutaze :
- Käduded i d'ougeižed d'o veikim .
Potom ukeine mest küzub :
- Dö veikitt ?
Veiktijad sanutaze :
- Veikim dö .
Aveiž ukeine verejan potletaha , a veiktijad d'oste pagod lähttihe .
Kaccub ukeine , ka akašt’ d'o eilä .
Kuni veiktihe da sini akeine i söd'he .
Tuskas ukeine ot’ havadeižen , pani havadeižhe käžiižen i čutaban labideižen i läks’ kuna pä kandab , kirvhudenke .
Mäni , mäni , tuli pertiine , kuulob , siga lujas düreitaze .
Mäni ukeine pert'he i näggob čuudan : mužik päčilpei hüppib štanįihe , a ak seižub päčinnu i štanad piddab .
Ukeine sanub :
- Ajanįk andatt , jesli mina opendan štanįid pammaha ?
Mužik andei hänele sada rubl'ad .
Ot’ ukeine dengad i läks’ tagemba .
Näggob , seižub pertiine i eilä ni üht iknad .Näggob , mez’ d'okselob puzunke se vereile , se pert'he .
Küzub ukeine mehel :
- Mikš sina d'okseled ?
Mez’ sanub :
- Pertišpei kandišen pimedan vereile i vereilpei svetan pert'he .
– Äjanįk andatt dengįd , jesli mina tegen svetan teile pert'he ?
– Kaks’ sadad andam , sanub mez’ .
Silei ukeine ot’ kirvhen i čapei iknan pert'he .
Ot’ dengad i läks’ tagemba .
Mäni , mäni , näggob pertiižen .
Tuli i pakičeze öks .
A neciš pertiižes kaikuččen ön söd'he krotad mez’ .
I vot ižand ihastįi , pani ukeižen otdel'nijaha komnataha magatta i duumeib iče :
«Pust’ södaze krotad , takouski mužik om .»
Ver’ ukeine komnataha i kažiižen ot’ havadeižespei i pani laptaha .
Homesel heraštihe , ka laval kogo kolieid krotid : kažiine kaikid rikei .
Ižand küzzub :
- Kut sina rikeid ningoman kogon ?
Ukeine sanub :
- Milei om zveriine , kudamb rikkob , a jesli annet dengeid , ka mina teiletei datan .
Ižand andei dengad i läks’ ukeine kodihepei .
Tuli laptemba i näggob : hänen pertin sijas seižub suur’ hivä pert’ .
Mäniškanz’ laptemba i näggob : lähtob pertišpei bohat mez’ i ozutab kädel , miise : «Ala tule laptaha i lähte necil ploššadilpei .»
Ukeine ištįihe kivele i voikud voikaškanz’ i veik sen verdan , miise hänen kündlišpei tegihe suur’ Äniine i uppot’ bohačun kodin .
I ukeine läks’ hiviš meliš edeleze i edeleze .
Gluupad rahvaz
Veps
Northern Veps
–
-
-
-
-
-
-
-
-
«
-
-
О глупых людях
Russian
–
–
–
–
–
–
–
–
–
«
–
–