Texts
Return to list | edit | delete | Create a new | history | Statistics | ? Help
Van’ka i koza
Van’ka i koza
Veps
Northern Veps
Eli
uk da ak , ukol da akal lapsid ii olnu nikeda , eletihe rouhazessei kahten .
Vot , dumaitihe uk da ak : tehkam savesiine prihäine-Van’ka .
Ottihe , savest kaidihe , topstihe i tegiba savesiižen Van’kan .
Kuivatihe i pand'he čogaha stolan taga .
Nece savesiine Van’ka pagižeškanz’ :
- Deduško , sanub savesiine Van’ka , – mina sindeiž sen .
Ot’ dei necen ukon sei .
Toižel päival sanub :
- Babuško , mina sindeiž sen , sanub .
Ot’ dei sei necen akan i män’ vereile .
Astub murzei vedele kahten vädranke .
- Murzei , sanub savesiine Van’ka , – mina sindeiž sen , deduškon siin , babuškon siin i sindaiž sen .
Ot’ dei sei akan vädrįideke , dei kogonaze .
Astub edeleze dorogad möto .
Astub koza vastha .
- Koza , sanub , – mina sindeiž sen .
– Siižutade krežan alle , sanub koza , – mina sileiž pr'amo suhu hippästan .
Ot’ , nece savesiine Van’ka siižutihe krežan alle , a koza krežalpei d'oksob .
Ot’ koza , d'oks’ , d'oks’ , da ku butkeidab peciihe .
Sigapei läksiba ukoine , akaine i murzei vädrideke , i nece Van’ka muren’ supaloile .
Ukoine i akaine tuld'he kodihe i pagištas :
- Enamb em tehkoi savesišt’ Van’kad , ika seb .
Nece ak rodi koume tütärt ühtes kohtus .
Kazd'he ned tütred .
Osttihe uk da ak kozeižen .
Nece (uk ) oigendab vanhambad tütärt paimendamha kozad .
- Ehtkoičel mina kozal küzun , sötidįk i d'otidįk sina kozan .
Nece tütär läks’ paimnehe , söt’ , d'ot’ necen kozan i ajab kodihe .
Ižand küzub kozal :
- Siidįk , deidįk , kozeine ?
– En , sanub , – senu i en d'onu .
Ot’ ižand tütren kodišpei küks’ :
- Mäne kuna pä kandab , ed veinu kozad sötta i d'otta .
Homen nouzob i oigendab toižen tütren paimnehe .
Mäne , sanub , – söta i d'ota kozad , ika sindeiž-gi küksen .
Se ot’ kozan , söt’ , d'ot’ i ajab kodihe .
Ižand mest tulob vastha i küzelob :
-Seidįk , kozeine , deidįk , kozeine ?
Koza sanub :
- En d'onu , en sönu .
Ot’ mest tütren , aji kodišpei :
- Mäne kuna pä kandab .
Koumandel päival oigendab koumanden tütren paimnehe .
Se mest mäni , söt’ , d'ot’ , söt’ , d'ot’ , peceihe d'o ii mäne kozale , muga söt’ kozan i ajab kodihe .
Tuli ižandannu i küzelob ižand :
- Seidįk , kozeine , deidįk , kozeine ?»
– En sönu , en dönu , sanub kozeine .
Ot’ necen tütren , mest aji kodišpei .
Nelländel päival oigendab akan .
- Söta i d'ota kozeine , ika mugoine i sileiž čest’ liinob .»
Mäni ak , söt’ , d'ot’ , söt’ , d'ot’ , pimedahassei pidi i ajab kodihe .
Uk vastha tuli .
- Seidįk , kozeine , deidįk , kozeine ? - küzelob hänel .
Koza sanub :
- En sönu , en d'onu .
Ot’ akan i ajii .
- Lähtta libo ičelįin paimeta .
Viidendel päival läks’ iče paimnehe .
Söt’ , d'ot’ , söt’ , d'ot’ , pimedahassei söt’ , tuli kodihe i küzub :
-Seidįk , kozeine , deidįk , kozeine ?
– En sönu , en d'onu ,- sanub kozeine .
Vot ot’ da kirfhel bokha i andei , muga polen bokad i čapoi .
- Sinus päliči , sanub , – ajin lapsid i akan , ižand sanub kozale .
- Mäne nügude sina kuna pä kandab .
Läks’ koza püudole , lüuz’ zemlänkan , kond'd'an pezan .
Eli neciš pezas kondi , händikaz i rebei .
Vot koza čaptud bok , ištįihe päčile .
Tulob rebei i küzub :
- Ken siga päčil om ?
– Mina , sanub , – olen koza , pol’ bokad čaptud , koumes grošas osttud , topsin sindeiž d'ougįl i hougeidan sarvil .
Nece rebei i pagen’ .
Tulob händikaz .
- Ken siga päčil om ?
– Mina , sanub , – kozįn’ka-koza olen , pol’ bokad čaptud , koumes grošas osttud , topsin sindeiž döugil , hougeidan sarvil .
Händikaz i d'oksi .
Astub kondi .
- Ken siga päčil om ?
- Mina , sanub , – olen koza , pol’ bokad čaptud , koumes grošas osttud , topsin sindeiž d'ougįl i hougeidan sarvil .
Kondi mugazo pel'gastįi i pagod pertišpei , ičeze pertin dät’ kozale .
Zavodi nece koza eläda pertiižes , a nece mužik ot’ tütrid i akan tagaze i eläškanz' kodiš .
Ajab kerdan ižand mecha siiriči neciš kodiižes i küzub :
- Ken siga päčil ?
– Mina , sanub , – olen kozin’ka-koza , pol’ bokad čaptud , koumes grošas osttud , topsin sindeiž d'ougil , hougeidan sarvil .
Nece ižand sanub :
- Davai , tule , hougeidadli sarvil ?
Vedi kozan päčilpei d'ougįiš i regele pani i toi kodihe i sanub kozeižele :
- Völak sanud : et söttud , et döttud , ka pän čapan , en däta eläbaks .
Vot zavodi mest tütred paimeta , üks' paimendab päivan , toine – toižen , koumanz’ – koumanden .
Hän akanke kodiš radab , i tütred kozeižen paimetaze .Hän andab hiile maidon , lehmašt’ ii olnu , a oli hebo .
Vot eletaze voden , toižen .
Kozeine hiil läžeganz’ i kol' .
Van’ka i koza
Veps
Northern Veps
-
-
-
-
-
-
-
-
-
-
-
-
-
Ванька и коза
Russian
–
–
«
–
–
–
–
–
–
–
«
–
–
–
–
–
–