Texts
Return to list | edit | delete | Create a new | Statistics | ? Help
Šestogo käveltäh pertilöi myöte Syndyy
Šestogo käveltäh pertilöi myöte Syndyy
Ludian
Mikhailovskoye
Šestogo käveltäh
pertilöi myöte Syndyy …I pajatetah : "Христос рождается , славится !"Sidä kyrzie paštitehe , sanotah : "Tämbäi Synd rodiehe , Synd rodiehe , moale laskiehe , pidäy hattarаt , hattarаt paštetah ".I vot stolale pyhkimele kyrzie paštat , sit hänele lavoh pannah kyrzie , sit häin molitvan tämän gu on , Hristaa slaavim , sit toože menöy , korzinaine käzivarrel , toizeh taloih menöy , kolmandeh .Кozgi kahtei kävelläh , kozgi yksin kävelöy …
Synnynleiby loaittih sidä ende .Syndy on moas , heittih , tämä leibäine , pastihe leibäine i pandih suolumestale .I d’oga ehtän ildastetah , enne euluh klejonkoi , pyhkim oli , pyhkim stolal , pandih nečimä suoluvakku i tämä leibäine suolumestale peäle – syndyleibäine .A sit tämä leibäine , ku tämä proijiu kai , sit tämä žiivatoile .Syndynmoa proijiu , sit žiivatoile .
Syndynmoa vet’ kaksinedälid on : rastavas da vederistimässäh .Täl aigal , štoby ei : ei ni varuu pestu , ei ni buukii .Kahtes nedälis peäl’ ei lämmitetty kylyy da kylyh ei mendy .
Syndyn moan aigah lembie nostatettih .
Nouzonaigus lähtöy , veräih dorogan čistiey – labijoičou , pyhkiy – tämän dorogan avata ženihoile .Hallot yskän nevesta tuou , suureh čuppuh sinne lykätä – ženihä tuloba .Vetty , kaivole kävytä vezihe tuoda , pannah miskaha libo mal’l’aha i suureh čuppuh : bes’odale lähtöy , silmät pezöy täl vedel .Tansijile tulou , kynnyksele seizotahe klubas : "Все курицы под лавку , один петух выше – я !"
Deädät da t’outat sida saneltih , leikkoamah lähtemmö …
Vie lukutetah tyttölöi , se tyttö miehel ei mäne .
Šestogo käveltäh pertilöi myöte Syndyy
Ludian
Mikhailovskoye