Texts
Return to list | edit | delete | Create a new | Statistics | ? Help
Synnynmoa on, on!
Synnynmoa on, on!
Livvi
Synnynmoa on
, on !Syndyy kuunellah .Minä , konešno , en ole käynyh Syndyy kuundelemah .A ennevahnallizet ainos musteltih : käydih Syndylöi kuundelemah .Sinä peän eigo pie nagroa , eigo pie mat'ugatsa , eigo pie nimidä lišn'oidu roadoa .Sit otetah šiižmu i kiertäh ymbärinäizeh , i viertäh sit lundu vaste , toivot ku sit Syndy tulou sie .Kos net sulhaizet tullah da midä kuuluu .Jesli ku kel kuollou ken , sit kuuluu sie itku , itkietäh .A jesli ku miehel menendy kel ollou , sit kuuluu kellot , bubenčois ajetah i svoad'bu roih znaačit , miehel menöy .Sidä minä kuulin tože , a minä en ole kävnyh nikunna niilöi dieloloi …Mennäh järvel libo pihal kunna , kos rahvas kai azetutah , sit šiižmu otetah , sit kierdäy sie kaiken , a midä sie sanou — en tiije …
En tiije , ken se on Syndy , Synnykse sanotah , a ainos lugietah : Syndy taivahaspäi kirbuou , Syndy taivahaspäi kirbuou .Kačo , se on Synnynmoan aigu , se ku tulou häi ga , enne Roždestvoa se on Syndy .Synnyn leibeä pastettih .Synnyn leibäine .Mama meijän daaže oppi , Synnyn leibäizen pikkaraizen pastai i sit häi panou sen siitan libo sieglan peäl i panou — minä iče näin , kui häi roadau .I sen panou leibäizen sieglan peäl , sieglan panou kumalleh nengalei , n´äpinn´okkih i se punomahes lähtöy .Sen minä olen nähnyh .Mama sit sanou : "Suuri Syndy – syöttäizeni , jesli ku minä kuollen tämäl vuvvel , leibäine punoiteh .A ku en kuolle , leibäine älgäh punovukkah !"Se rubieu rauku punomahes , sen minä olen nähnyh !"Suuri Syndy – syöttäine !" — sanou … Se leibäine kai kroački n´äpit hänen .Minä sanon : "Mama , ga sinä naverno… " "En lekahuta , en lekahuta , en lekahuta !"— aino lugou . Se sieglan peäl punoihes .Oppi häi sidä iččeh kuolendoa , jo hänel 91 vuozi oli .Sit iččeh kuolendoa : "Hätken elän !Täl vuvvel gu kuollen , sit leibäine punokkahes !"Sieglan peäl , kumalleh sieglaizen panou , n´äppilöil nengaleite pidäy .Sen minä !A mi oli se Syndy , en tiije .
Leibäine se hot’ mustas , hot' valgies jauhos pasta , pikkaraizen leibäizen , ei suurukkaizen pastoi .Synnyn leibäizekse sanottih sidä : Synnyn leibäine .Se pastettih , kos Syndy heityy , Syndy kos heityy moah ."Nygöi , — sanotah , — Synnynmoan aigu roih , Syndy heittyy !" Jumalan tagoa ainos piettih , a ku lähtiettih kylvösty kylvämäh ennen , se leibäine ainos otettih keral .Vil’l’oi kylvämäh , Pyhä Il’l’akse sanottih : "Pyhä Il’l’u !"A jumaloin tagoa piettih sidä leibästy .Synnyn leibäine , Pyhä Il’l’u , Pyhä Il’l’u .Leibästy Pyhä Il’l’akse .Pyhä Il’l’u häi jumal on tože .Kačo , minul on jumalaine , ikonaine , Pyhä Il’l’u on se .Leibäine se — Synnyn leibäine pastettih .A ku jumaloa maanitah — Pyhä Il’l’akse häi sanotah .
Syndy lähtöy , konzu se Veändöi lopeh , kaksi nedälie proijiu i Syndy lähtöy eäres .Da !Synnyn lettuu tože pastettih da nämii .Net oldih — riehtiläl pastettih hoikastu –hoikastu gu bumoagoa , sit vai lykittih , sanottih : "Synnyn letut nämä lähtöy !"Se tože ennen Rožestvua , syödih niidy , syödih .
Vieristän da Veändöin aigah eigo lattieloi pesty , štoby jo oldas kai pestyt , stiraitut .Štoby ei roadoa sil aigoa nimidä , eigo lattieloi pestä eigo nimidä .Se sčitaitih Veändöin aigu .Ainos häi reähkeä ennen varattih !Ennen vet' reähkeä varattih !
Synnynmoa on, on!
Livvi