Texts
Return to list | edit | delete | Create a new | Statistics | ? Help
Enne piettih bes’odua
Enne piettih bes’odua
Livvi
Enne
piettih bes’odua .Yksi akku oli ku minä toine da ainos pidi bes’odua .Käydih kai brihat i neidizet .Siidä tuldih svätkät , hyö kaksitostu neijisty lähtieh päretty kastamah lähtiez , dai kastetah lähtieh päried dai tullah kodih , sinne bes’odupertih pagoh , ku kuultih – rubei mi lienno joves šuhizemah , moine rodih šuhu joves .Siid hyö ku tullah sinne pertih da kaikin mennäh laučoin ual .Hyö pöllästytäh .Akku bes’odupertis ovvostau i panou kaikil puad piäh .Kuulou häi akku , ga kohunkel tulou dai uksen avuau da neidizil kaikil lykkiäy puat piäz dai akal , kuitengi piäd katkai , ga ku oli puat piäz , ga siid puat pakuttih .
Sie oli yksi briha moine .Häi tossuillan sanou : "Lähten minä lähtiez jallat kastan ."Dai menöy dai kastau jallan , sid häi ei mene kodih , a nouzou kohti tädih lyö .Häi ku menöy sinne , ga rodih neče .kai uksed , ikkunad i truvad kai panou malitunkel salbah da viertäh hyö muata .Dai yöl tädilleh uniz ozuttahez , sanou , čto časliivoi olit , ku panid veriäd malitunkel salbah , eigä minä händy dorogal tavannuzin , ku lähtenyz kodih , ga siid häi mustelluz , iče ei kastanuz enämbiä da ni muidu ei käskenyz .Briha se oli minun tuatto .
Enne piettih bes’odua
Livvi