Texts
Return to list | edit | delete | Create a new | Statistics | ? Help
Syndin akkua kuundelomah käydih se Vieristöä vašše
Syndin akkua kuundelomah käydih se Vieristöä vašše
Karelian Proper
Reboly
Syndin akkua
kuundelomah käydih se Vieristöä vašše .Syndie kuunneldih , dai Uutta vuotta vaššen .Avannolla käydih da riihen kynnyksillä da riiheh , da dorogalla .Avannolla kun männäh kuundelomah , otetah šiizma ta ympäri avanto šiizmalla pyöritetäh .Kakši kertua myödäh päivyä , kolmas — vaštah .Siitä ruvetah kuundelomah .Synnyn akka tulou avannošta ta antau siula avaimet .Kenellä Synnyn akka antau avaimet , se tulou sčasliivoi .Niin jos kuundelet , hän tulou ta antau avaimet .A kežen kun lähtenet , siitä lähtöy jälgeh ajamah .Semmoista starinua : jälgeh läksi ajamah , šiitä hiän lykkäi tuohikerän , buitto kun piän iččeh Synnyn akalla , sen peteldi kaiken . Toisen lykkäi .A se Synnyn akka buitto kuin primietti , monda k'oli kuundelijua , sen verta piti tuohikeryä työndyä .Tuohikeryä , mistä luaittih kesselilöitä .Net buitto kuin piät ollah .Siitä se mänöy avantoh .
Siitä kun Synnyn akka kun nousi avannošta ta läksi jälkeh ajamah : miksi lähettih kežen .I hän ei muinlla ni millä piässyn , piti tuohikerät panna tuleh ta työndyä , jotta kolme piädä .
Sanotah jotta Synnyn akka tulou , kun suari , ymbäri pyörie .Ei se ole akan näköni , se rukkoilah .Siksi aikua tulou avannosta libo mistä .Rostovosta se alkau , se Vierissän väli .
Syndin akkua kuundelomah käydih se Vieristöä vašše
Karelian Proper
Reboly