Тексты
Вернуться к списку
| редактировать | удалить | Создать новый
| Статистика
| ? Помощь
Jakovlev Sergei .
Luonto antau
Jakovlev Sergei
Luonto antau
карельский: собственно карельское наречие
Новописьменный севернокарельский
Naini šeisou peilin luo:
Iho vielä nuori,
Nahka melko šilie on,
Jalat ollah šuorat.
Šilittelöy šivuja –
Kaikki kuntoh pantu.
Riähkä täššä sualiutuo,
Luonto hyvin anto!
Pirtissä on šiivottu,
Ruokua täyši stola.
Lašta šuaha himottau –
Luonto ottau oman.
Olis pereh täytenä,
Mieš vain tulis kotih,
No ka mieštä ei ole,
Hiän on männyn šotah.
Tulis viesti häneštä,
Hoti yksi pisteh!
Kuulis vaikka iäneštä:
– Missä olet, missä?
Armahaini, tule pois,
Mie še vuotan vielä,
Urhona tai raukkana –
Šilma varoin elän!
Rakašta myö poimimma,
Šie vain koissa pisy.
Riittäy miula voimija,
Luonto antau lisyä!
