Apostoloiden tegod (23:23-35). Pavlan matk Jerusalimha i Rimha. Pavel vedas Kesariaha
вепсский
Младописьменный вепсский
23Kogortan pämez' kucui sid' kaks' sadanpämest i sanui: "Ehtan koumandel časul pidägat vaumhin kaks'sadad saldatad mända Kesariaha i völ seičemekümne raccastajad i kaks'sadad saldatad keihidenke.
24Otkat oslid-ki da ištutagat Pavel raccile, miše veda koskmatoman händast manižandan Feliksan edehe".
25Sid' kogortan pämez' kirjuti manižandale mugoižen kirjeižen:
26"Minä, Klavdi Lisi, oigendan tervhensanoid korgedarvokahale manižandale Feliksale.
27Evrejalaižed tabaziba necen mehen i tahtoiba jo rikta händast. No minä tedištin, miše hän om Riman valdkundan rahvahanik, mänin saldatoidenke i päzutin händast evrejalaižiden käzišpäi.
28Miše tedištada, miš hö händast väritaba, minä toin händast heiden Nevondkundan edehe.
29Sigä tedištin, miše händast väritadihe heiden käskišton ridküzundoiden tagut, a ei miš-se toižes, miš voiži oigeta surmale vai türmha.
30A ku tedištin, miše evrejalaižed ladiba peitoiči rikta händast, ka oigendan nügüd' händast sinunnoks. Väritajile-ki minä käskin sanuda ičeze väritused sinun edes. Ole terveh".
31Saldatad tegiba muga, kut heile oli käsktud: otiba Pavlan i veiba händast öl Antipatridaha.
32Toižel päiväl hö oigenziba händast edemba raccastajidenke, i iče pördihe kazarmaha.
33Konz raccastajad tuliba Pavlanke Kesariaha, hö andoiba kirjeižen manižandale i toiba Pavlan-ki hänen edehe.
34Manižand lugi kirjeižen i küzui, miččes tahospäi Pavel om. Kulištades, miše Pavel om Kilikiaspäi,
35hän sanui: "Minä kundlen sindai, konz tänna tuleba sinun väritajad". Hän käski varjoita Pavlad Irodan horomoiš.
Деяния апостолов (23:23-35)
русский
23И, призвав двух сотников, сказал: приготовьте мне воинов пеших двести, конных семьдесят и стрелков двести, чтобы с третьего часа ночи шли в Кесарию.
24Приготовьте также ослов, чтобы, посадив Павла, препроводить его к правителю Феликсу.
25Написал и письмо следующего содержания:
26`Клавдий Лисий достопочтенному правителю Феликсу - радоваться.
27Сего человека Иудеи схватили и готовы были убить; я, придя с воинами, отнял его, узнав, что он Римский гражданин.
28Потом, желая узнать, в чем обвиняли его, привел его в синедрион их
29и нашел, что его обвиняют в спорных мнениях, касающихся закона их, но что нет в нем никакой вины, достойной смерти или оков.
30А как до меня дошло, что Иудеи злоумышляют на этого человека, то я немедленно послал его к тебе, приказав и обвинителям говорить на него перед тобою. Будь здоров'.
31Итак воины, по данному им приказанию, взяв Павла, повели ночью в Антипатриду.
32А на другой день, предоставив конным идти с ним, возвратились в крепость.
33А те, придя в Кесарию и отдав письмо правителю, представили ему и Павла.
34Правитель, прочитав письмо, спросил, из какой он области, и, узнав, что из Киликии, сказал:
35я выслушаю тебя, когда явятся твои обвинители. И повелел ему быть под стражею в Иродовой претории.
