Тексты
Вернуться к списку
| редактировать | удалить | Создать новый
| Статистика
| ? Помощь
Brendojev Vladimir .
Paginal
Brendojev Vladimir
Paginal
карельский: ливвиковское наречие
Новописьменный ливвиковский
Tule meile paginale,
Midäbo on varata?
Kačo, akku čuajuu valau,
Juo vai, kuni vie on palau,
Kuulumižet tarata.
Sit myös tuliit kodimaile?
Kodii ei sua unohtua…
Minä, näithäi, fermal häilyn,
Ei sua joute, talmukäile..
Kačo, čuaju sunehtuu.
Eliä pidäy… Jygei tiettäy..
Pidäy ruadua… Näithäi, vie
Kalmoile ei tässäh vietty,
Iče tiijät, eihäi vietä
Sinne miesty eläviä.
Sanot, et vie ole naižis?
Ei ni hädiä huolittua…
Paha akku on ku paiže…
Nygöi harvu pyzyy aižois…
Kedä kui on vualittu.
Onhäi toiči kodii atkal?
Etgo meris tyystynyh?
Vedrehet on teijän matkat…
Hyvä, ku vie rauhu jatkuu,
Ku et verdy n’uustanuh…
Pädöy nygöi eliä nuoril,
Ruadua – mielenvallita…
Kaikkie on… kai omal vuorol…
Iče – Jumal, iče – tsuari,
Vaiku malta hallita.
