Тексты
Вернуться к списку
| редактировать | удалить | Создать новый
| Статистика
| ? Помощь
Irina Sotnikova.
Natalia Silakovan radod korktas arvostadihe Karjalas
Источник:
Kodima № 8, 2026, с. 3
Irina Sotnikova
Natalia Silakovan radod korktas arvostadihe Karjalas
вепсский
Младописьменный вепсский
Sures panendas Karjalan Valdkundan kehitoitandaha Vepsän kul’tursebran ühtnik Natalia Silakova sai Karjalan Valdkundan Pämehen znaman.
Vepsän kul’tursebran da Venäman kirjutajiden sebran ühtnikale Natalia Silakovale anttihe Karjalan Valdkundan Pämehen arvznam "Panendas Karjalan Valdkundan kehitoitandaha", a mugažo sures panendas sijaližen valdelimen kehitoitandaha Karjalan mal.
Vodelpäi 2017 Natalia Silakova oli Kalagen külän pämehen, vodelpäi 2022 – Čalnan külän pämehen. Hänen abul eloho oli todenzoittud äi tärktoid projektoid, miččed oli oigetud infrastrukturan paremboitusehe, küliden etnokul’turižehe kehitoitandaha.
– Olen ihastusiš sada mugoižen znamasižen pauklahjan. Om mel’he, miše oli ottud homaičusehe sur’ rad, mitte oli tehtud Kalages. Kaik meled ozastui todenzoitta eloho vaiše ühthižvägel. Kitän "Vepsän kul’tursebrad", eläjid, radištoiden pämehid – kaikid, ked abutiba i ühtniba "Kalarand"-etnoparkan, muštpachiden tegemižehe. Päazj om konz ristitud voiba ladidas i ühtes rata ičeze valdkundan, penen külän da eläjiden hüvüdeks, – sanui "Vepsän kul’tursebran" ühtnik Natalia Silakova.
Johtutam, Natalia Silakovan abul Kalages oli sätud "Kalarand"-etnopark i joga voden sigä vedetas vepsläine tradicionaline praznik sil-žo nimel.
