Joannan ezmäine kirjeine (4:7-21). Jumal om armastuz
вепсский
Младописьменный вепсский
7Minun armhad, armastagam toine tošt, ved' armastuz om Jumalaspäi. Kaikutte, ken armastab, om Jumalaspäi sündnu i tundeb Jumalan.
8Ken ei armasta, se ei tunde Jumalad, sikš ku Jumal om armastuz.
9Ved' siš Jumalan armastuz ozutihe-ki meile, ku hän oigenzi ičeze üksjaižen Poigan mirhu, miše mö hänen kal't saižim elon.
10Armastuz ei ole siš, miše mö olem armastanuded Jumalad, a siš, miše Jumal om armastanu meid da oigendanu ičeze Poigan žertvmaksmižeks meiden grähkiš.
11Minun armhad! Ku Jumal om muga armastanu meid, pidab meile-ki armastada toine tošt.
12Jumalad niken nikonz ei ole nähnu. No ku mö armastam toine tošt, ka Jumal püžub meiš i hänen armastuz om ozutanus meiš täudeks.
13Mö püžum hänes, i hän püžub meiš — necen mö tedam sišpäi, ku hän om andnu meile ičeze Hengen.
14Mö olem nähnuded sen da todištam, miše Tat om oigendanu ičeze Poigan mirhu Päzutajaks.
15Ken sanub Iisusad Jumalan Poigaks, hänes Jumal püžub, i hän iče püžub Jumalas.
16Mö tundem Jumalan armastusen meihe i uskom sihe. Jumal om armastuz. Ken püžub armastuses, püžub Jumalas, da Jumal püžub hänes.
17Jumalan armastuz om ozutanus meiš täudeks, i muga mö sudanpäivän voim rohktas astta ezile, sikš miše mitte om Hristos, mugoižed mö-ki olem neciš mirus.
18Armastuses ei ole varaidust, täuz' armastuz kükseb varaidusen. Varaiduz iče-ki om jo mok, i ken varaidab, hänes armastuz völ ei ole tehnus täudeks.
19Mö armastam, sikš miše ezmäi Jumal om armastanu meid.
20Ku ken-ni sanub: "Minä armastan Jumalad", a iče kandab vihad uskondvelliden päle, ka hän om kelastai. Ved' ken ei armasta velled, kudamban hän om nähnu, ka hän ei voi armastada Jumalad, kudambad ei ole nähnu.
21Necen käskön mö olem sanuded hänespäi: ken armastab Jumalad, armastagha hän uskondvelled-ki.
Первое послание Иоанна (4:7-21)
русский
7Возлюбленные! будем любить друг друга, потому что любовь от Бога, и всякий любящий рожден от Бога и знает Бога.
8Кто не любит, тот не познал Бога, потому что Бог есть любовь.
9Любовь Божия к нам открылась в том, что Бог послал в мир Единородного Сына Своего, чтобы мы получили жизнь через Него.
10В том любовь, что не мы возлюбили Бога, но Он возлюбил нас и послал Сына Своего в умилостивление за грехи наши.
11Возлюбленные! если так возлюбил нас Бог, то и мы должны любить друг друга.
12Бога никто никогда не видел. Если мы любим друг друга, то Бог в нас пребывает, и любовь Его совершенна есть в нас.
13Что мы пребываем в Нем и Он в нас, узнаём из того, что Он дал нам от Духа Своего.
14И мы видели и свидетельствуем, что Отец послал Сына Спасителем миру.
15Кто исповедует, что Иисус есть Сын Божий, в том пребывает Бог, и он в Боге.
16И мы познали любовь, которую имеет к нам Бог, и уверовали в нее. Бог есть любовь, и пребывающий в любви пребывает в Боге, и Бог в нем.
17Любовь до того совершенства достигает в нас, что мы имеем дерзновение в день суда, потому что поступаем в мире сем, как Он.
18В любви нет страха, но совершенная любовь изгоняет страх, потому что в страхе есть мучение. Боящийся несовершен в любви.
19Будем любить Его, потому что Он прежде возлюбил нас.
20Кто говорит: `я люблю Бога', а брата своего ненавидит, тот лжец: ибо не любящий брата своего, которого видит, как может любить Бога, Которого не видит?
21И мы имеем от Него такую заповедь, чтобы любящий Бога любил и брата своего.
