Тексты
Вернуться к списку
| редактировать | удалить | Создать новый
| Статистика
| ? Помощь
Brendojev Vladimir.
Synnyinrannale
Brendojev Vladimir
Synnyinrannale
карельский: ливвиковское наречие
Новописьменный ливвиковский
Minun armas Synnyinrandu,
Vuvvet, sugupolvet mennäh,
Sa ku tiähti-tulihändy,
Lennä korgiel, ainos lennä!
Minun armas Synnyinrandu,
Käske vai, ga siirdyy vuori.
Tuatat aluskivet pandih,
Seinät nostau polvi nuori.
Minun armas Synnyinrandu,
Mibo meile tuuli viilei?
Nuori syväin – kiingei jänneh.
Nuori mieli – ravei piili.
Minun armas Synnyinrandu,
Noskah vaiku hyvyön ido.
Anna rauhan puolištandu
Voinan kobrat lujem sidou.
Minun armas Synnyinrandu,
Sinun kibei – sinun abei
Meile ailahannu andah,
Menöy syväinkeräs läbi.
Minun armas Synnyinrandu,
Usko, sanottu on tozi:
Sinus tuači hengi andua,
Suurembua ei ole ozua.
