Тексты
Вернуться к списку
| редактировать | удалить | Создать новый
| Статистика
| ? Помощь
Brendojev Vladimir.
Soita, veikoi…
Brendojev Vladimir
Soita, veikoi…
карельский: ливвиковское наречие
Новописьменный ливвиковский
Soita, veikoi, balalaikal,
minä vienol kandeluol.
Anna onbi vessel kaikil,
kel vai mieli andanou!
Anna nagrau nuoren ilo,
vahnin ilo muhižou.
Tulgua meile! Löydyy tilua!
Laučat eulo lyhyžet!
Akat, pajol avvutakkua!
Tytöt, tansus topsakkua!
Anna suappais pohjat pakkuu,
nouskah jalgu n’opsakko!
Briha, midä jovvuit bokkah?
Omua iččie ozuta!
Ollet sinä tansus dokko,
et roi, veikoi, ozattah.
Anna meijän soitto kuuluu
kauti kunnan rajažih!
Anna helmu huškau tuulel!
Anna pajo kajižou!
