Kirjeine galatalaižile (4:8-20). Pavlan holed galatalaižiš
вепсский
Младописьменный вепсский
8Konz tö et tundnugoi völ Jumalad, tö kumarzitoiš jumaloile, kudambad ei olgoi todesižed jumalad.
9A nügüd' tö tundet Jumalad, no om völ paremba, ku Jumal tundeb teid. Ka mikš tö möst käraudatoiš neniden välliden da znamatomiden vägiden polhe? Tahtoit-ik möst tehtas heiden orjikš?
10Tö pidät tarkas sil'miš miččid-ni märitud päivid, kuid, praznikpäivid i vozid.
11Ka varaidan, en-ik ole tehnu radoid tühjan teiden täht.
12Pakičen teid, velled: tehkatoiš mugoižikš, mitte minä olen, sikš ku minä-ki olen tehnus mugoižeks, kut tö. Tö et tehnugoi minei nimiččid abidoid.
13Tö tedat: ezmäižen kerdan minä sanelin teile hüvän vestin, konz läžuškanzin.
14I hot' minun läžund pakiči teišpäi tirpandad, ka tö et nagrnugoi mindai, et hondostanugoi, a vastsit mindai, kut Jumalan angelad, kut Hristosad Iisusad.
15Kus teiden hüvä mel' nügüd' om? Todištan teiden polhe, miše tö olit vaumhed ratkaita sil'mäd-ki da antta minei, ku sidä oliži voinu tehta.
16Ka jose minä olen tehnus teile vihanikaks sanudes tot?
17Minä tedan, miše ned hüvän vestin värištajad tahtoiba käta teid ičeze polhe, no sišpäi ei tule teile nimittušt hüvüt. Hö tahtoiba erigoitta teid meišpäi, miše tö pöruižit ümbri heiš.
18Nece pörund om hüvä hüväs azjas, i hüviden azjoiden tegemine om kaiken hüvä, a ei vaiše siloi, konz minä olen teidenno.
19Minun lapsuded, teiden tagut minä möst tirpan mugoižid mokid, kut mam sündutades last. Muga linneb sihe aighasai, kuni teiš näguškandeb Hristos.
20Voi kut tahtoižin nügüd' olda teiden keskes! Siloi minä tedaižin, kut pagišta teidenke. A muga en voi mel't-ki märale antta.
Послание к галатам (4:8-20)
русский
8Но тогда, не знав Бога, вы служили богам, которые в существе не боги.
9Ныне же, познав Бога, или, лучше, получив познание от Бога, для чего возвращаетесь опять к немощным и бедным вещественным началам и хотите еще снова поработить себя им?
10Наблюдаете дни, месяцы, времена и годы.
11Боюсь за вас, не напрасно ли я трудился у вас.
12Прошу вас, братия, будьте, как я, потому что и я, как вы. Вы ничем не обидели меня:
13знаете, что, хотя я в немощи плоти благовествовал вам в первый раз,
14но вы не презрели искушения моего во плоти моей и не возгнушались им, а приняли меня, как Ангела Божия, как Христа Иисуса.
15Как вы были блаженны! Свидетельствую о вас, что, если бы возможно было, вы исторгли бы очи свои и отдали мне.
16Итак, неужели я сделался врагом вашим, говоря вам истину?
17Ревнуют по вас нечисто, а хотят вас отлучить, чтобы вы ревновали по них.
18Хорошо ревновать в добром всегда, а не в моем только присутствии у вас.
19Дети мои, для которых я снова в муках рождения, доколе не изобразится в вас Христос!
20Хотел бы я теперь быть у вас и изменить голос мой, потому что я в недоумении о вас.
