Тексты
Вернуться к списку | редактировать | удалить | Создать новый | История изменений | Статистика | ? Помощь
Melevuz’ da Jumalan varaiduz
Melevuz’ da Jumalan varaiduz
вепсский
3
1 Poigaižem
! Ala unohta minun opendusid ,
pidä meles kaik minun käsköd .
2 Ned jatktaba sinun päivid da vozid ,
andaba ozad .
3 Algha jätkoi sindai armod da tozi ,
sido ned ičeiž kaglaha da kirjuta ned ičeiž südäimehe .
4 Siloi sinä sad armoid da tuged
Jumalan da rahvahan sil’miš .
5 Usko Ižandaha kaikel südäimel ,
ala elä vaiše ičeiž melen el’gendusen mödhe .
6 Kaikil sinun matkoil pida Ižandad meles ,
hän ozutab sinei oiktan ten .
7 Ala meleta , miše oled ani melev ,
varaida Ižandad i pagene pahaspäi .
8 Nece tob tervhut sinun hibjale ,
linneb vaiše tervheks sinun luile .
9 Anda Ižandale palan kaikes , mi sinai om ,
anda kaikiš satusišpäi parahim pala .
10 Siloi sinun aitad linneba täuded päliči märad ,
a vin valaškase päliči röuniš .
11 Ala vastusta , poigaižem , Ižandan opendust ,
ala luge sidä jügedaks , konz hän laib sindai ,
12 sikš ku keda Ižand armastab , sidä laib
i tahtoib sille hüväd , kut tat poigale .
13 Ozakaz om mez’ , kudamb sai mel’t
da löuzi melevut .
14 Sikš ku nece sand om paremb mi hobedan sand ,
sišpäi om enamb ližad , mi kuldaspäi .
15 Se om kal’hemb kal’hid kivid
[nimiččed kal’huded ei olgoi mugoižed kal’hed .
Nimitte pahuz’ ei voi vastustada sidä .
Se om kaikile sel’ged , ken sihe läheneb ],
i nimidä , midä sinä tahtoid , ei voi rindatada sihe .
16 Sen oiktas kädes om pit’k igä ,
huras kädes om bohatuz da slava .
[Sen suspäi lähteb tozi ,
zakon da armod oma sen kelel ].
17 Sen ted oma hüvänmeližed ,
kaik sen kujod oma vezod .
18 Se om elonpu nenile , ked sidä saba ,
ozavad oma ned , ked siš püžuba .
19 Ižand ičeze melel tegi man ,
ičeze melevudel vahvištoiti taivhad .
20 Hänen melen vägel meren süvüzihe sündui kuiv ma ,
sen vägel pil’ved andaba vet .
21 Minun poigaižem , kaiče terveh mel’ da el’genduz ,
ala kadota niid ičeiž sil’mišpäi .
22 Ned linneba elon sinun hengele
i čomitusen sinun kaglale .
23 Siloi sinä astuškad varaidmata sinun matkan ,
i sinun jaug ei kukištu .
24 Mändes ed varaidaška magadamha ,
a konz uindad , magadaškad tünäs .
25 Ed pöl’gästu , konz äkkid tuleb varaidust
da kadondad jumalatomišpäi ,
26 sikš ku Ižand linneb sinun tugen ,
hän kaičeškab sinun jaugad rihmaspäi .
27 Ala hül’gäida bedas olijan pakičust ,
konz sinä void sille antta midä-se .
28 Ala sanu ičeiž sebranikale :
«Mäne da tule udes , homen minä andan .»
[Ved’ sinä ed teda , midä homnine päiv tob .]
29 Ala tahtoi pahad läheližele ,
konz hän eläb varaidmata sinun rindal .
30 Ala ridle mehenke vigata ,
ku hän ei tegend sinei nimidä pahad .
31 Ala kadehti sidä , ken kävutab vägivaldad ,
ala himoiče ičeleiž nimittušt hänen matkoišpäi .
32 Ved’ värmeline om Ižandale vastmel’he ,
a oigedmeliženke hän tahtoib olda ühtes .
33 Ižand oigendab jumalatoman kodile pahut ,
a oigedmeližen eländsijan hän blaslovib .
34 Nagranzoitajid hän iče nagrab ,
a sanankundlijoile hän andab hüvüt .
35 Melevad saba jäl’gestuseks slavan ,
a meletomad – slavatomuden .
Melevuz’ da Jumalan varaiduz
вепсский
1
12
[
26
«
29