Тексты
Вернуться к списку | редактировать | удалить | Создать новый | История изменений | Статистика | ? Помощь
Melevuz’ kucub
Melevuz’ kucub
вепсский
8
1 Ei-ik melevuz’
kucu teid ?
Ei-ik melevuz’ libuta ičeze än’t ?
2 Se seižub korktoil tahoil ,
ten veres , risttel ,
3 se kidastab lidnan verajiš ,
pertin uksiš :
4 «Teid kucun minä , rahvast ,
mehen poigile om minun sana !
5 Opekatoiš el’gendamha , meletomad ,
el’getomad , sagat mel’t .
6 Kundelkat ! Minä pagižeškan päazjas ,
minun sanad om tozi .
7 Minun kel’ sanub tot ,
a kelastuz om minei vastmel’he .
8 Kaik minun suspäi läksijad sanad om tozi ,
niiiš ei ole heitlust vai värhut .
9 Kaik nene sanad oma sel’ktad melevan täht
da oiktad tedajan täht .
10 Otkat minun openduz , a ei hobedad ,
paremb om tedo , mi parahim kuld .
11 Melevuz’ om paremb hel’mid ,
nimidä ei voi seišta sen rindal sišpäi , midä tö tahtoit .
12 Minä , melevuz’ , elän el’gendusen rindal
ecmas todesišt tedod .
13 Ižandan varaiduz om käraudamine pahaspäi .
Minä en navedi ülendelust , tahtod heiteldas hüväks ,
pahad ted , manitelijoid paginoid .
14 Minuspäi tuleb nevond i tozi ,
mina olen mel’ , minai om vägi .
15 Minun kal’t kunigahad pidäba valdad ,
käskijad ladiba oiktad zakonad .
16 Minun kal’t pidäba valdan valdmehed ,
rahvahan pämehed da kaik man sudjad .
17 Mindai armastajid minä navedin ,
ken ecib mindai , se löudab .
18 Minai om bohatuz dai korged nimi ,
kadomatoi kal’huz’ dai tozi .
19 Minun satused oma paremb kuldad ,
kaikiš puhthembad kuldad ,
minuspäi om äjal enamb ližad ,
mi parahimas hobedaspäi .
20 Minä kävelen toden tedme ,
oiktuden tropidme ,
21 miše toda mindai armastajile todesine hüvüz’ .
Minä täutan heiden eloaitat .
[Konz minä sanelen , midä tob kaikutte päiv ,
minä en unohta johtutamha , midä oli amuižil aigoil .]
22 Ižand tegi mindai ičeze radon zavottes ,
edel kaiked tošt , edel aigan augotišt .
23 Aigan zavottes minä olin ,
aigemba man tegemišt .
24 Minä sünduin aigemba süvüzid ,
konz völ ei olend vedel täuttud purtkid .
25 Minä sünduin edel mägiden libundad ,
edel mäthid ,
26 konz hän völ ei tegend mad dai pöudoid ,
konz mirus ei olend völ ni üht pölün murdošt .
27 Konz hän tehli taivhan , minä olin sigä .
Konz hän vedi man röunad süvüziden päle ,
28 konz hän pani ülähäks pil’ved ,
konz vahvištoiti süvüziden vezipurtked ,
29 konz andoi merele käsköd ,
miše sen veded ei männuižigoi päliči röuniš ,
konz ladi man alandused ,
30 ka minä olin hänen rindal ladimas čomut ,
olin ihastusen joga päivän ,
kaiken olin hüviš meliš hänen sil’miden edes
31 iloitelden hänen man krugal ,
i minun ihastusen oliba mehen poigad .
32 Kundelkat mindai , lapsed :
ozavad oma ned , ked astuba minun teidme !
33 Kundelkat minun sanad da olgat melevad ,
algat jätkoi hänen teid .
34 Ozakaz om se , ken kuleb mindai ,
ken om herkhil joga päivän minun verajidenno ,
ken seižub varjoičijan minun uksenno .
35 Ken löuzi mindai , se löuzi elon
i sab hüvüt Ižandaspäi .
36 Ken tegeb grähkid mindai vaste ,
se ladib pahut ičeze hengele ,
ken mindai ei navedi , se armastab surmad .»
Melevuz’ kucub
вепсский
1
3
4 «
21
22
26
28
29
30
31