Тексты
Вернуться к списку | редактировать | удалить | Создать новый | История изменений | Статистика | ? Помощь
Ižandan varaiduses
Ižandan varaiduses
вепсский
16
1 Mehel
oma südäimen tahtod ,
no jäl’gmäine sana lähteb Ižandan suspäi .
2 Mehen sil’miš kaik ted oma puhthad ,
no Ižand vesoičeb melid .
3 To kaik ičeiž azjad Ižandan edehe ,
siloi kaik sinun tahtod täutasoiš .
4 Ižand om tehnu kaiken ičeze tahton mödhe ,
jumalatoi-ki sab ičeze pahan päivän .
5 Kaikutte südäimes surendelii om Ižandale vastmel’he ,
om todest tozi : händast kovas opetas .
[Hüvän ten augotiž – nece om tehta oikti .
Se om Jumalale enambal mel’he , mi žertvoiden tond .
Ken ecib Ižandad , se löudab oiktad tedod ,
ken ecib Ižandad todel , se löudab mirun .]
6 Armoil i todel päzud grähkišpäi ,
a Ižandan varaiduz vedäb pahaspäi .
7 Konz Ižandale oma mel’he mehen ted ,
hän vihanikoid-ki paneb hänen polhe .
8 Paremb om sada vähän da oiktal azjal ,
mi enamban , no manitusel .
9 Mehen südäin pidäb meles ičeze ten ,
no Ižand ohjandab hänen haškuid .
10 Kunigahan sus om Jumalan hengespäi tulnu sana ,
hänele ei pida tehta grähkid sudas .
11 Oiktad vesad dai sen mal’l’ad oma Ižandaspäi ,
hänen oma kaik jügud-ki .
12 Värhuz’ om kunigahile vastmel’he ,
sikš ku valdištim püžub todel .
13 Oiged pagin om mel’he kunigahale ,
toden pagižijad hän navedib .
14 Kunigahan viha om surman vest’ ,
no melev voib händast lauhtutada .
15 Kunigahan hüväs sil’mäs om elo ,
hänen hüvüz’ om kuti keväz’vihm .
16 Eci melevut , se om äjal paremb kuldad ,
a pän oiged rad om paremb parahimad hobedad .
17 Oiktoiden te ümbärdab pahuden ,
ken püžub oiktal tel , se kaičeb ičeze henged .
18 Kadondan edes astub nenakahuz’ ,
a lanktendan edes – ülendeluz .
19 Paremb om eläda hilläšti gollidenke ,
mi jagada sališt surendelijoidenke .
20 Ken vedäb azjoid melevašti , se löudab hüvüt ,
ken paneb nadejad Ižandaha , se om ozakaz .
21 Kenel om melev südäin , sidä kucuškatas melenpidäjaks ,
melev pagin ližadab mel’t .
22 Melevuz’ melevale om elon purde ,
vähämeližuz’ om kova openduz vähämeližele .
23 Melevan südäin tegeb kelen melevaks
da ližadab mel’t hänen paginoihe .
24 Hüvä pagin om kuti mezi :
maged hengele i terveh hibjale .
25 Om teid , miččed ozutasoiš mehele oiktoikš ,
no niiden lopus om surm .
26 Radai radab ičeze täht ,
sikš ku sidä käskeb hänen su .
27 Paha mez’ ecib toižele pahut ,
hänen sus om kuti poltai lämoi .
28 Manitelii semendab ridoid ,
a keliden kandišii erigoitab sebranikoid .
29 Pahantahtoi mez’ hus’s’utab lähelišt
da vedäb händast-ki pahale tele .
30 Pil’kištaden sil’mid se mez’ sekoib mittušt-ni pahut ,
lapištaden kel’t tegeb pahad .
[Hän om kuti vihan päč .]
31 Hahk pä om korktan arvon venc ,
miččen voib sada vaiše toden tel .
32 Tirpai mez’ om paremb rohktad ,
a ičtaze käziš pidäi om paremb lidnan vägestajad .
33 Arbad tactas lepkehe ,
no kaik pätused tegeb Ižand .
Ižandan varaiduses
вепсский
1
6
31