Тексты
Вернуться к списку | редактировать | удалить | Создать новый | История изменений | Статистика | ? Помощь
Surm i elo oma kelen valdas
Surm i elo oma kelen valdas
вепсский
18
1 Ičenenaine kacub
vaiše ičeleze ,
hän vastustab kaiked melevad .
2 Vähämeline ei navedi tedod ,
hän tahtoib ozutada vaiše ičeze mel’t .
3 Jumalatomanke tuleb hondostamine ,
huigetomanke tuleb lajind .
4 Mehen sun sanad oma süväd veded ,
a melevuden purde – čilaidai oja .
5 Ei ole hüvä tugeta värnikad ,
i mugažo väritada sudas oiktad .
6 Konz pagižeb vähämeline , rida om läz ,
ičeze sanoil hän sab iškendoid .
7 Vähämeližen kel’ vedäb händast surmha ,
hänen su om verk hänen hengele .
8 [Laškan rikob varaiduz ,
a naiželižile mužikoile tuleb nähmaha näl’gäd .]
9 Magedad oma kelenkandišijan sanad ,
ned ličesoiš südäimehe .
10 Ken ei navedi radoid ,
se om kodielon rajadajan vel’l’ .
11 Ižandan nimi om vahv bašn’ ,
oiged jokseb sinna dai päzub .
12 Bohatuz’ bohatal om hänen vahv lidn ,
hänen melen mödhe se om kuti korged aid .
13 Ken korktemba libub , se lankteb ,
a kundlii sab korktan arvon .
14 Ken ei kundle lophusai i andab vastust ,
se om vähämeline , putub huiktaha .
15 Mehen heng püžub kibuiš ,
no ku heng ei ole terveh , ken sidä vahvendab ?
16 Melevan südäin sab tedoid ,
i melekahan korv ecib tedoid .
17 Lahj andab mehele valdad
dai vedäb händast vel’možihesai .
18 Sudas ezmäine pagizii om oiged ,
no tuleb hänen vastustai dai sel’genzoitab azjoid .
19 Arban tacind azotab ridan ,
abutab ladimahas vägevile .
20 Käregzunu vel’l’ om kuti päzumatoi lidn ,
a ridad oma kuti luklod sen verajiš .
21 Sun satusišpäi om täuz’ mehen vac ,
midä su kazvatab , sil se om külläine .
22 Surm i elo oma kelen valdas ,
ken sidä navedib , se sab sišpäi satusen .
23 Ken löuzi [hüvän ] akan , se löuzi ozan
dai sai hüvüt Ižandaspäi .
[Ken kükseb hüvän akan , hän kükseb ičeze ozan .
A ken eläb vedelijanke , se om meletoi da jumalatoi .]
24 Gol’l’ pakiten pakičeb ,
a bohat andab vastust nena ülähäks .
25 Ken tahtoib sada sebranikoid , sille ičele-ki pidab olda südäimeližemb .
Eraz sebranik om paremb velled .
Surm i elo oma kelen valdas
вепсский
1
9
24