Тексты
Вернуться к списку | редактировать | удалить | Создать новый | История изменений | Статистика | ? Помощь
Opendused rahvahale
Opendused rahvahale
вепсский
19
1 Paremb
om olda gol’l’an da eläda todel ,
mi olda [bohatan da ] kelhan , da ližaks völ vähämeližen .
2 Hond om olda tedotoman ,
i rigehtijan jaug kukištub .
3 Mehen meletomuz’ koverzoitab hänen eloted ,
a hänen südäin käregzub Ižandan päle .
4 Bohatal löudase äi sebranikoid ,
a gol’l’al jäl’gmäine-ki kadob .
5 Vär todištai ei jä opendamata ,
a ken kelastab , ei päzu pahaspäi .
6 Äjad tahtoiba tulda bohatoiden rindale ,
lahjan andajale kaikutte om sebranik .
7 Gol’l’ad ei navedigoi hänen velled-ki , i sebranikad taciba händast ,
hän käveleb heiden jäl’ghe , miše sada heid paginale , no sidä-ki ei ole .
8 Ken sab mel’t , se navedib ičeze henged ,
ken eläb melevašti , se löudab ozan .
9 Vär todištai ei jä opendamata ,
a ken kelastab , ei päzu grähkišpäi .
10 Ei kožu meletomale bohat elo ,
sidä enamba – orjale olda pämehen knäziden päl .
11 Oigedmeline ei rigehti käregata ,
korged arv käskeb händast olda sur’hengeližen kebntegoihe .
12 Kunigahan viha om kuti levan uraiduz ,
a hänen hüvüz’ – kuti kaste heinil .
13 Meletoi poig om tatan pahamel’ ,
a ridlii ak – kuti räusthišpäi tippui vezi .
14 Kodi da elo sadas vanhembišpäi ,
a melev ak om Ižandaspäi .
15 Laškuz’ tacib süvähä unehe .
Ken ei navedi rata , se nägištab näl’gäd .
16 Ken käsköd pidäb , se hengen kaičeb ,
a ken ei püžu ičeze tel , se putub kadogehe .
17 Ken navedib gollid , se andab velgha Ižandale .
Ižand maksab hänele hänen hüväs rados .
18 Openda kovas poigad kuni völ uskod ,
ala käraida , konz hän laskeb kidoid .
19 Käregzunu tirpkaha kovan opendusen ,
a ku žalleičeškad händast ,
ka sinei tuleb opeta händast völ kovemba .
20 Kundle nevond da el’genda lajind ,
miše tehtas edemba melevaks .
21 Äi planoid om mehen südäimes ,
no täutase vaiše se , miččen kacub hüväks Ižand .
22 Ihastust andab mehele hüväntegend toižele ,
gol’l’ mez’ om paremb , mi kelaz .
23 Ižandan varaiduz andab elon ,
i kenel se om , se voib magata tünäs ,
pahuz’ ei tule hänennoks .
24 Lašk ličeb ičeze käden mal’l’aha ,
no ei kehta libutada sidä suhusai .
25 Lö nagranzoitajad , sid’ toine-ki opendase ,
sanele tot melevale , hän el’gendab sen .
26 Ken tatan löb , maman kodišpäi kükseb ,
om huigetoi da jumalatoi poig .
27 Ala kundle , poigaižem , nenid nevondoid ,
kut päzuda meleviš opendusišpäi .
28 Vär todištai näritab sudad ,
jumalatoi laindab värhut .
29 Nagranzoitajiden täht oma vaumhed sudad ,
meletomiden sel’gile – vaumhed löndad .
Opendused rahvahale
вепсский
1