Тексты
Вернуться к списку | редактировать | удалить | Создать новый | История изменений | Статистика | ? Помощь
Jumalatomid kükstas
Jumalatomid kükstas
вепсский
21
1 Kunigahan
südäin om Ižandan käziš kuti vezijoksend ,
hän oigendab sen , kuna tahtoib .
2 Mez’ lugeb oiktoikš kaik matkad ,
no Ižand vesoičeb südäimed .
3 Eläda todel da olda oiktan
om Ižandale enamb mel’he mi žertv .
4 Sil’miden ülendeluz da südäimen surendeluz ,
miččed oma jumalatomiš , om grähk .
5 Tarkan radajan meled veba küllüdehe ,
a kaikutte rigehtii tirpab gol’l’ut .
6 Ken keradab elod kelastusel ,
se om kuti tullein hengaiduz , se ecib surmad .
7 Jumalatomiden vägivald lankteb heiden päle ,
sikš ku hö kärauzihe todespäi .
8 Pahan valičijal te om kover ,
a puhthan mehen te om oiged .
9 Paremb om eläda katusen čupus ,
mi pahan akanke sures kodiš .
10 Jumalatoi tahtoib pahad ,
hän ei žalleiče ičeze sebranikoid .
11 Konz hazjoitas nagranzoitajad , ka se om toižile-ki openduseks ,
a konz opetas melevad , hänele ližadub tedoid .
12 Jumalaline kacub jumalatomiden kodid ,
kut jumalatomiden päle lankteb ozatomuz’ .
13 Ken sauptab korvad , konz gol’l’ kidastab ,
hän iče-ki zavodib kidastada , no händast ei kulištagoi .
14 Peitoiči anttud ot alendab vihan ,
a šižläs todud lahj sambutab taban .
15 Oiged sud om ihastuz oigedmeližile ,
a pahantegijale – varaiduz .
16 Ken segoib meletomuden tehe ,
se putub kolnuziden keskhe .
17 Ken navedib pidäda ilod , se gollištub ,
a ken navedib vinad da hüväd sömäd , se ei bohattu .
18 Jumalaližen sijas hazjoitas kovas jumalatoman ,
a oigedmeližen sijas – manitajan .
19 Paremb om eläda tühjas mas ,
mi pahatabaižen i käredan akanke .
20 Melevan pertiš om kodielod i sömäd ,
a meletoi kaiken mänetab .
21 Ken püžub todes da armoiš ,
se löudab elon , toden dai korktan arvon .
22 Melev tuleb vägeviden lidnaha ,
murendab kaik seinäd , kudambihe hö paneba vahvad toivod .
23 Ken pidäteleb ičeze sud da kel’t ,
se varjoičeb pahaspäi ičeze henged .
24 Nagranzoitajaks nimitadas ülendelii pahantegii ,
kudamban pahoid tegoid ei voi lugeda-ki .
25 Lašk koleb ičeze ažlakudehe ,
sikš ku hänen käded ei tahtoigoi rata .
26 Lašk joga päiväl äjal ažlakoičeb ,
a oiged andab , ei žalleiče .
27 Jumalatoman žertv om pahuz’ ,
sidä enamba konz todas sidä kelhas südäimespäi .
28 Vär todištai putub kadogehe ,
a oiged , ken sanub , midä vaiše iče tedab , kaiken sanuškab .
29 Jumalatoi kacub huiktatomašti ,
a oiged astub kohtha tedme .
30 Ei ole melevut , pän mel’t
dai nevondad Ižandad vaste .
31 Hebo val’l’astadas toran täht ,
no vägestuz tuleb Ižandaspäi .
Jumalatomid kükstas
вепсский
1