Тексты
Вернуться к списку | редактировать | удалить | Создать новый | История изменений | Статистика | ? Помощь
Pidembad muštatišed elon erazvuiččiš azjoiš
Pidembad muštatišed elon erazvuiččiš azjoiš
вепсский
23
1 Konz
ištutoi sömhä suren mehenke ,
ka hüvin kacu , midä om sinun edes ,
2 vastusta ičeiž kerust ,
ku oled ažlak .
3 Ala ihastu hänen magedale sömäle ,
se om manitai .
4 Ala pidä hol’t siš , kut sada bohatust ,
hül’gäida mugoižed meled .
5 Vaiše kacuhtad bohatusehe – sidä jo ei ole ,
se tegeb ičeleze suugad da , kuti sur’ habuk , lendab taivhaze .
6 Ala sö ažlakon pertiš ,
ala ihastu hänen hüvähä sömähä .
7 Miččed oma hänen meled , mugoine hän iče-ki om .
«Sö da jo », sanub hän sinei ,
a hänen südäin ei ole sinunke .
8 Miččen palaižen söd , sen oksendad ,
i sinun hüväd sanad jäba tühjan .
9 Tühj om pagišta vähämeliženke ,
hän alenzoitab sinun melevid sanoid .
10 Ala sirdä amu pandud mežad ,
ala mäne armotomiden pöudole .
11 Heiden Polestai om ani vägev ,
hän polestaškab heid sindai vaste .
12 Kända südäin opendusehe ,
a korvad melevaha sanaha .
13 Ala jäta poigad opendamata .
Ku opendad händast vical , hän ei kole .
14 Sinä hazjoičed händast vical
i päzutad hänen hengen aduspäi .
15 Poigaižem ! Ku sinun südäin linneb melev ,
minun südäin linneb ihastusiš .
16 Hüvä mel’ täutab minun südäimed ,
konz sinun su pagižeškab tot .
17 Ala kadehti nenid , ked eläba grähkiš ,
elä kaik päiväd Ižandan varaiduses ,
18 sikš ku sinai om tulii aig ,
sinun nadei ei ole kadotadud .
19 Kundle , pogaižem , da ole melev ,
oigenda südäin oiktale tele .
20 Ala segoi jomariden keskhe ,
ala ištu lihapadan rindal ,
21 sikš ku jomarid da sömärid gollištuba ,
a unentaht sobitab ruzuihe .
22 Kundle ičeiž tatad , hän sai sindai ,
ala alenzoita mamad , konz hän vanhtub .
23 Osta tozi , ala mö sidä ,
osta melevut , opendust da mel’t .
24 Oigedmeline poig om tatan ihastuz ,
hüviš meliš om se , ken sai melevan poigan .
25 Olgha sinun tat hüviš meliš ,
ihastugha sinun mamoi , kudamb sindai sai .
26 Poigaižem ! Anda sinun südäin minei ,
sinun sil’mäd kackaha minun teid ,
27 sikš ku vedelii naine om süvä haud ,
veraz ak om ahtaz kaiv .
28 Hän kuti vargaz ištub peitos
da ližadab rahvahan keskhe pahantegijoid .
29 Ken ulaidab ? Ken änestab ?
Kenel om rida ?Kenel om gor’a ?
Kenel oma rubed värhudeta ?Kenel oma rusttad sil’mäd ?
30 Nenil , ked hätken ištuba vinmal’l’ kädes ,
ked eciba segoitadud vinad .
31 Ala kacu , mitte rusked om vin ,
kut se vändab mal’l’as ,
kut se vil’skahtab kebnašti .
32 Jäl’ghepäi se pureb kuti mado ,
kokib kuti kü .
33 Sinun sil’mäd nägeba manituzkuvad ,
sinun südäin sanub pahad .
34 I sinä tegetoi kuti magadai kesk mert ,
kuti mačtan nökus magadai .
35 [I sinä sanud :] «Mindai lödihe , ka ei olend kibed ,
touktihe , ka en rižand .
Konz heraštun , möst zavodin sidä-žo ecmaha ».
Pidembad muštatišed elon erazvuiččiš azjoiš
вепсский
1
2
18
21
27