Тексты
Вернуться к списку | редактировать | удалить | Создать новый | История изменений | Статистика | ? Помощь
Nene-ki oma Solomonan muštatišed, miččed keraziba Judejan kunigahan Jezekijan mehed
Nene-ki oma Solomonan muštatišed, miččed keraziba Judejan kunigahan Jezekijan mehed
вепсский
29
1 Ken
kovendab ičeze niškan , konz händast ohjatas ,
ka katkaidase varastamata , hänele ei linne päzutandad .
2 Konz tozioiktoiden mär kazvaškab , rahvaz om hüviš meliš ,
a konz valdha tuleba jumalatomad , ka rahvaz voivotab .
3 Ken navedib melevut , sišpäi tatale om ihastuz ,
a ken kävub vedelijoiden akoidennoks , se om kodielon rajadai .
4 Kunigaz oiktal sudal pidäb man kogos ,
a ken lahjoid navedib , se rajadab mad .
5 Ken hüvitab libedal kelel sebranikad ,
se levitab verkon hänen jaugoihe .
6 Pahantegijan grähk om hänen verk ,
tozioiged ihastub da om hüviš meliš .
7 Tozioiged hüvin tedab gol’l’an gor’an ,
a jumalatoi ei el’genda sidä .
8 Pahantegijad hus’s’utaba lidnad pahaze ,
a melevad alendaba hus’s’utandad .
9 Konz melev mez’ sudiše vähämeliženke ,
se i käregandeb , i nagrab , no tünüdes ei ole .
10 Verentahtnikad ei navedigoi vigatomid ,
a tozioiktad pidäba heiš hol’t .
11 Meletoi valab ičeze vihan kaiken ,
a melev pidäb ičtaze käziš .
12 Ku valdanpidäi kundleb vaiše kelhid paginoid ,
ka kaik hänen abunikad-ki oma kelhad .
13 Gol’l’ da otoiden otai vasttasoiš ,
no päivänvauktan ühtele i toižele andab Ižand .
14 Ku kunigaz sudib gollid oiktal sudal ,
ka hänen valdištim linneb igähine .
15 Vic i huiktelend andaba mel’t ,
no opendamata jättud poig huigenzoitab mamad .
16 Konz kazvab jumalatomiden mär , kazvab mugažo pahoid radoid ,
no tozioiktad nägištaba , kut lankteba jumalatomad .
17 Openda ičeze poigad , i hän andab sinei tünüt ,
da tob ihastust sinun hengele .
18 Ku ei ole sanad ülähänpäi , rahvaz tegesoiš vällikš ,
se om ozakaz , ken eläb Ižandan zakonan mödhe .
19 Orjad ei voi opeta sanoil :
hän hot’ el’gendab , no ei kundle .
20 Eraz sanub edel , ku meletab ,
vähämeližes om enamb ližad , mi hänes .
21 Ku orjad kazvatada jo lapsespäi holiš ,
ka jäl’ges hän tahtoškandeb olda poigan .
22 Heredtabaine tahtoib ridelta ,
a hörskahtai tegeb äi grähkid .
23 Surendeluz alenzoitab mest ,
hilläine hengel linneb korktas arvos .
24 Ken jagab vargastadud varghanke , se ei navedi ičeze henged ,
hän kuleb väritesed , no om vaitti .
25 Ken rahvast varaidab – om kuti verkos ,
a ken uskob Ižandaha , sille ei pida varaita .
26 Äjad eciba hüväd valdmest ,
no mehen oiktuded oma Ižandan käziš .
27 Tozioiktoile ei ole mel’he se , ken tegeb värhut ,
a jumalatomale ei ole mel’he se , ken astub oiktad tedme .
Nene-ki oma Solomonan muštatišed, miččed keraziba Judejan kunigahan Jezekijan mehed
вепсский
1