ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Hüvän akan ülenzoitand

Hüvän akan ülenzoitand

вепсский
10 Ken löudab hüvän akan?
Hänen arv om kal’hemb žemčugad.
11 Uskob hänele hänen mužikan südäin,
mužik sab ližad.

12 Ak maksab mužikale hüvüdel, ei pahudel,
kaikiš elon voziš.

13 Ak sab villad da pölvast,
tahtol radab ičeze käzil.

14 Hän om kuti tavarlaiv,
edahanpäi sab leibäd.

15 Hän libub völ öl,
sötab kaikid ičeze kodiš,
jagab radod abunik-neiččile.

16 Hän tahtoib löuta pöudon, dai ostab sen,
ičeze käzil ištutab vinpusadun.

17 Hän vösttase vahvemba,
kärib hijamad da tartub radho.

18 Hän rižab, miše hänen tegod oma hüväd,
lämoid ei sambuta eskai öl.

19 Hän otab kädehe kožlin,
sormihe värtinan.

20 Hän avaidab käden gol’l’ale,
andab abud mairhes olijale.

21 Hänen kanz ei varaida vilud,
sikš ku hänen kanz om sädatadud kaks’kerdaižihe sobihe.

22 Hän tegeb hurstid,
hänen sobad oma pöuvhaspäi da purpuraspäi.

23 Hänen mužik om tetab,
ištub lidnan verajidenno vanhembidenke.

24 Hän tegeb hurstid da möb niid,
vöid möb Finikian kupcoile.

25 Vahvuz’ i čomuz’ oma hänen sobad,
hän kacub veslas ičeze tulijaha aigha.

26 Konz hän avaidab sun, hän pagižeb melevašti,
hüvä om hänen nevond.

27 Hän kacub tarkas ičeze kodin radod,
ei leibäd tühjan.

28 Libuba lapsed, kitäba händast,
mužik sanub hänes hüväd:
29 "Äi oli melevid akoid,
no sinä oled parahim."

30 Čomuz’ kadob, i hüvä nägo vajehtase.
Olgha kittud ak, kudamb varaidab Ižandad.
31 Kitkat händast hänen hüviš töiš!
Ülendagat händast kaikiden kuldes!