Тексты
Вернуться к списку | редактировать | удалить | Создать новый | История изменений | Статистика | ? Помощь
Kut eduu sobad pestihe
Kut eduu sobad pestihe
вепсский
Средневепсский западный
Sobad
oliba poutnasiižed .Tod pert’he bukan , lač ningoi , puine .Neche lačhu sobad paned , lad’led čomasti .Potom tuhkad seglod seglal , porosobaks paned sin’n’a pühkmen miččen-ni poutnasiižen , paned tuhkad da tuhkale päle valad vet .Kipätkod kehutad da valad .Päčhe kivid’ paned sigä ruskotas , neche vedhe viškaidad da vezi kehuškandeb .Ani nihe sobihe mugl mäneb , sobad lähttas puhthad .
Potom porosoban lendad , kived hiit’ad pälpei , porosobas tuhkan ved irdale .Bukaspei sobad otad da ved jogele , mägen alle .Humbrhes survomei sobad , huhtomei korondol .Kaks’ korondod tehtud , ningomad kuššed kalud .
– Nece kezal ?
– Kezal vai touvel . Touvel regudele paned da regudel ajad .Touvel jähumbrhed tehtud , a kezal puižed .Mäd kodišpei humbrhenke , hebole paned da ved sobad da i humbrhed .
– Touvel-se jogen külmi , ka kus huhtoidas ?
– Nece jogi jokseb miil’ kaiken touven , igan kaiken jokseb . Purtked sigä ka ii kül’mänd .Nügüd’ nored akad ii kävukoi lähtkele , sobad enambad bumažnijad .Lähtkele vannan ottas , vet valetas da huhtoitas .
Sobad pezed , kuivatad da katailkoil’ kataid .A nügüde ut’ugad oma .
Kut eduu sobad pestihe
вепсский
Средневепсский западный