Тексты
Вернуться к списку | редактировать | удалить | Создать новый | История изменений | Статистика | ? Помощь
Kui minä kirjah opastuin
Kui minä kirjah opastuin
карельский: ливвиковское наречие
Рыпушкальский
Nügöi
minä maltan potpiššiekseh dai gaziettua vie luven , a vähäštü enämbän kümmendü vuottu sid minä kirjas en el’l’endännüh nimidä .
En minä üksin olluh kirjatoi .
Meijän hierus pošti kai minun igähižet akat ei maltettu kirjah , vai nuorembat vähäžel el’l’endettih .
Tottu sanua , ga ei mikse ni pidännüh meile akoile kirju endižih aigoih .
Koiš päčin ies da pellol maltoimmo i kirjattah ruadua .
Revol’ucien jäl’l’es mužikat meijän ruvettih gaziettoi da kniigoi lugemah , ken maltoi , a akois pošti niken ei lugie maltannuh .
Ruvettih meidü opastamah kirjah .
Linnaspäi äijü učiit’el’ua kävüi ga ei meidü äijäl ni himoitannuh opastua dai učit’el’at moižet puwtuttih , što ei heil’e olluh int’eresno meidü tolkuttomii opastua .
Ühten sügüzün tuli meijän lapsii opastamah školah uwzi učit’el’ničču .
Nuori oli , ga ül’en ravei .
Ronos hänel’e sanottih , što meijän hierun akat ül’en ollah pahat opastumah .
Häi otti nagruskakse opastua meijät kirjah .
N’edälis kaksi kerdua kävüi häi meidü školah ajelemah .
Ei kaččonnuh , mittuine siä : tuhul dai tuwčal , vihmal tašši häi meidü opastumah .
Dai meil’e jo rodih int’eresnoimbi , ei häi aiven meidü bukvaris luvettannuh , häi toi gaziettoi , kniigoi da iče lugi meil’e .
Talves müö kai opastuimmo kuda kui lugemah , kirjuttamah da čotaimah .
Sit jo maltoimmo iče potpiskan panna .
Anukses pečataijah gažiettua – «kolhozniekku ».
Int’eresno on lugie gažietas toižien kolhozoin dieloloi .
Minä sid kävüin toiči kinoh dai spektakliloil’e .
Nügöi minä ruan ogorodnois briguadas i kirju äijän avvuttaw .
Ühtes luvemmo kniigoi , kui parembi kazvaš ovoššat .
Pidäw sanuo , što kniigu pravvan sanow .
Kui minä kirjah opastuin
карельский: ливвиковское наречие
Рыпушкальский