Тексты
Вернуться к списку | редактировать | удалить | Создать новый | История изменений | Статистика | ? Помощь
Tuattah n’evvow poigua el’ämäh
Tuattah n’evvow poigua el’ämäh
карельский: ливвиковское наречие
Сямозерский
Vot
.Eli mužikku .
Nu eli häi hüvin , ülen oli česnoi .
Hüvä mužikku oli , perehenkel .
Nu häi vahneni d’on’goi , kuolemah rubei , poijal nevvow : "Hoi , poigu , sanow , minä , sanow , sinul n’evvon , sanow , el’ämäh ".
Dai poigu ičei küzüi ennepäi , sanow : "Tuatto , sanow , n’evvo el’ämäh , sinä hüvin elit kai rahvahankel da kai hüvin olit , nevvo , sanow , kui eliä pidäw , sinä nügöi onnuako kuolet ", – sanow .
"Vot , poigu , – sanow , – el’äjes , ezmäiziksi ku lähtet ruadoh , sanow , tervehüttü ei piä luadie ni kel ".
(Se mindäh tervehüttü ei piä luadie – štobi enne muidu menizit ruadoh aijombah huondeksel .
A poigu ei el’l’endä – tervehüttü znuačit , mih se menöw sana ).
"Toine dielo , sanow , adru pie , štobi l’äpettäs , štobi olis hobjaizet vannahat ".
(Se opad’ el’l’endie pidäw , štobi kündie enämbäl , sit d’on’goi häneh ruoste ei iškei : nu kiveh koskeh da peskuloih raznoloih koskeh , sit d’on’goi häi puhtahannu püzüü , tid’d’ät , läpettäw ).
"I kolmandekse , sanow , pidäw dorogal l’eibie l’ükkie ", – sanow .
(A mindäh dorogal l’eibie l’ükkie – ken tulow matkalaine , pidäw süöttie , juottuo , iče lähtet konzu matkah , sit d’on’goi sinuu süötetäh , d’o keral l’eibie ei pie ottua .
D’on’göi ennepäi dorogal l’eibiä l’ükittü ).
A poigah niidü ei el’l’endännüh mih net mennäh sanat .
Tuattah kuolow .
Tid’d’äthäi vannahat adran tuo sarual , tid’d’ethäi ainos sidä fuguiččow , škurkal čiistiw , kaikel , mil tiedäw vai čiistiw , štobi l’äpetettäs .
Eigo künnä , eigo midä .
Adru ruostumah rubiew dai čiistiw iäre uvvessah .
I tämägi ...l’ähtöw ruadoh , kunna astuu , ei sano ni kel "terveh " libo mi tahto , matkua d’äl’l’el muidu , ei sentäh sano .
Vot .Kolmandekse : hevon val’l’astaw , mi tuatassah däi sie eluo , l’eibie , ajaw dorogua müö hevol , lükkiw l’eibiä , tuone l’ükkie , tuone – kedä kunne l’ükkiw l’eibie .
Rahvas ruvettih nagramah : "Kukastu kummua !
Oli ku normal’noi , sanow , mies , ewlluh , – sanow , – urai , nügöi , urai on , sanow , leibiä l’ükkiw dorogal , eigo tervehüttü kel lai , sie vannahii čištiw , künnä ei , a sarual vannahii pidäw puhtahannu ".
Sit oli üksi tuattah prijuat’el’ sie , hüvä .
Se sanow : "Ga midäbo , sanow , nügöi sinä el’ät ?"
"Ka el’än , – sanow , – näitgö , tuatto minuu nenga n’evvoi ", – sanow .
"Kui n’evvoi ?"
"Vot nengai nenga , – sanow , – käski vannahat pidiä puhtahannu , tervehüttü ei piä luadie ni kel , dorogal l’eibiä l’ükkie ", sanow ...
nügöi , sanow , minä kewhtüin !
"Oh , ukko-rukku , ukko-rukku , – sanow , – tuattas n’evvoi hüvin ga sinä vai et küzünüh tuatalles mih net sanat mennäh ".
Nu sit hänen tuattah prijuat’el’ sanow : "Vannahat pidäw pidie sentäh , sanow sto hüvin , äijän ruat , sanow , künnät , sanow , sit vannas , sanow , ei pie čistie , vannas iče on puhtas .
Tervehüttü , sanow , luadie ristkanzal ei pie ni kel , pidäw lähtie ennen kaikkie huondeksel ruadoh , sinul d’ön’göi ken vastah tule ei , sinul tervehüs laitah , a sinä et toizel lai tervehüttü .
Kolmandekse – l’eibie dorogal l’ükkie : tulow matkalaine ken üökse , sinä händü süötät , provodit hänen , tüönnütät i sit , sanow , vot dorogal l’eibiä l’ükittü .
Vot tuattas n’evvoi hüvin , sinä el’l’endännüh et ".Vot .
Tuattah n’evvow poigua el’ämäh
карельский: ливвиковское наречие
Сямозерский
Отец учит сына жить
английский
(
(
«
(
[
«
«
«