Тексты
Вернуться к списку | редактировать | удалить | Создать новый | История изменений | Статистика | ? Помощь
Endine svuad’bo. Enzimäizet ruavot
Endine svuad’bo. Enzimäizet ruavot
карельский: ливвиковское наречие
Сямозерский
Nowzed huondeksel
, nostattaw muatušku , kuudeh nedälissah d’oga huondestu nostattaw , hod’ d’allaz oled , ga üksikai sie post’elil virud : anna tulow nostattamah .
Nostattaw : "N’eveskü , nowze iäreh !"
Nowzet , sil’mat pezet , süömine on valmis .
"Istukkuakseh , süögie !"
Süöt .
"Midäbö nügöi ruadanen ?
Astiet go pezen , vai midä ruan ?"
Konzu käsköw čuaškoi pestä , ast’ejii : "Peze čuaškat da astiet ".
Pezet .
Sid andaw , ezmäine ruado , pelvastu , kuožalih pelvastu ezmäizikse : maltawgo mučoi pelvastu kezrätä vai ei malta .
Ezmäizikse pelvastu tuow : "Täs kiäriččü , vadvo , pane loppu kuožalih , kezriä pelvastu ".
Voidgo loindu kezrätä vai ed voi .
D’o svuad’bo ku proijiw da ned ezmäized üöt proijitah da müödäized d’o l’ähtietäh iäreh , no , kuna piän l’ähtietäh müödäizet , se on venčan proijihuw kolmas päivü kolmandennu päivän , sit pelvastu kiäričün tuow , vadvo loppu , da pane kuožalih da kezriä loindu .
Sit hod ed lienne enne kezrännüh , ga sid kezrätä tulow , voidgo kezrätä loindu .
A kaikkii ezmäine ruado on se , kui huondeksel maguamaz nowzet , sil’mät pezet , süömäh vai kui ruveta istavuo stolah , sid d’awhuo tuow (ennen oli kačo sielikanned luajitut , tuohez luajitut ) d’awhosielikannen tuow : "Täz d’awhot !"
Ičei duumaiče , kui pidäw sriäppiä !
A se n’evvottih , što d’awhuo kui tuow , ka d’awholoih käit pane , käid anna d’awhovutah .
Ičei duumaiče , kui pidäw eliä da kui pidäw sriäppiä .
D’awhoiloih käin panet , käit d’awhovutah , käit pühkid nenga , sit süömäh .
Kaikkih ezmäzikse d’awholoih pidäw käit panna .
Sielikanned on suuret , tuohez luajitut .
Heittäw : "Täs sinun elaigu , maltaned eliä ga el’ä ".
Ei sano , što pane d’awholoih käzi , a se on n’evvottu enne , döngöi muga ruattih d’ogahine .
"Täs sinun elaigu , maltaned ga el’ä !
D’awhuo täs on !"
Sid d’awholoih käit panet , d’awhot puistat , käit , sit otetah d’awhot , kabrastetah .
Kaikkii ezmäine se d’awholoih käit pidäw panna .
A sit kui süöd da d’uod ga , sit sinäpiän pošti nimidä ei anneta .
A tossupiän ezmäzikse annetah villua , kaikkii ezmäine ruado – villua kuažalih , villukuažali : maltadgo villua kezrätä vai ed malta .
A villankezrävö se on : üksi primiettü on , što oza , se roiteh ozakas , villua kezriäw , ga se oza .
A toizekse : maltadgo vai ed malta villua kezrätä , mittumua kezriät .
N’eidizennü ollez ei sua maltua kezrätä , eräz ei malta .
A müö ku olimmo krestjuaninad ga , kezrätä pidi omua villua da vie vierastu villua kezrätä pidi .
Villulabohoizen mama tuow , muatušku , kuažalin tuow , värtinän tuow : "Täz , n’eveskü , ruado , zavodi ruadua , zavodi tädä ruadua ".
Se buite ku ozakaz roiteh : villua ruata , kezrätä ga , sid oza parembi roih .
Villua ezmäizikse .
A sit tüönüd ga , sit villua kezriäd vähäizen .
Ollow kui labohoine ei tobd’embi , käskenöw kaiken kezrätä , ga kezriät , ühteh palah ei sua ga , konzugi kezriät , a ollow tobd’embi , ga iče kezriäw , loppow .
Vähäizen kezriäd da : "Täz minun langat , minä kezräin !"
Menendäd oldih semmoized ennen .
Ezmäizikse d’awholoih käit , sid villua kezrätä; se vai kui on , enne d’uondua d’awholoih pidaw da süöndiä käit panna .
D’awhot pühkit , sit stolah , süöd da d’uot , sid villukuožali valmis , kezriä villua !
Kävüimmö vettü tuomah ?
Villua ku kezriät , sid valmistetah murgin .
Murgin süötetäh , sit veil : "Molodoid , mengiä vettü tuomah !"
Kahtei menet , šaikku sie on lähtiel .
Korvoin ammuldat , ukko iel , mužikku iel , a akku d’äl’l’el , vettü kandamah rubiet .
Tullah – korvoi kuatah bräwžätäh , d’edinöidü vettü ei diä , dorogal korvoi kuatah , d’äril’l’eh astut .
Däril’l’eh menet , korvoin ammuldat , tostu i vuotetah , sit tostu vuotetah , pripivöičet : "Ei pie kuadua tostu korvoidu !
Roiteh ühtes !
Üksi mučoi tulii oli , eigo nagrettaw olluh , roiteh ühtes korvois !"
Sit välitütäh , ei kuata eiga nagrokse kuattaz vie toine da i kolmaz , a sit ...
Minä olin sih niškoi rohkie , sanoin : "Roiteh ühtes korvois !
Üksi mučoi olin tulii , engo nagrettaw olluh !
Ei tostu korvoidu pie , roiteh ühtes korvois !"
Toimmo pertih vettü korvoin da sid heitimmö kannandan .
A vezikorvoi , vettü , vettü , vettü kannatetah ezmäizikse , äijiä ei , a korvoi se tuvva pidäw , se on moine primiättü : maltammogo kandua , vai ei .
Ga minä Ofon’az ruavoin (näitgo kui vihmuw , päiviä pastoi , vihmuw zudiw mil’l’eh )!
Ofon’az ruavoin vierastu ruadua n’eijissüzaijan kaiken : heiniä niittämäs , leikkuamas , tüödü pergamas , riihil’öi puimas – üli vuvvet , d’oga ruadoizet !
A riihen kui puimmo , velli oli nuorembi , a nai ennen , ennen kui nai ga vahnembi käl’ü rodihes , minun ukko se oli vahnembi ga , d’äl’l’el nai .
A toko sanoi : "Nastoidu riiheh pidäw ottua , sanow , Nastoi vai viškannow , sanow d’üväd ga , d’üväd ruumenih ei mennä , erotah d’üväd ruumenis ".
Minä viškain hüvin , lofko viškain , ei mendü d’üväd ruumenih .
A Ol’oin ku ottaw riiheh (rinnal oli sid n’eidine ).
"Ol’oi , – sanow , – viškuaw , ga d’üväd mennäh ruumenih ".
Sen mustan toko ainos .
A buukkua piettih , toine sana oli vie buukun piendü sana .
Sobua ku reduvuw , sit kül’ü oli omaz rannas , sid i kerätäh (paltinsobua oli ennen ) sovat puččih , puččih pannah sinne sovat , piäl pošteli , piälüstü .
Kui netäs pučči täz oliz a , sit pannah täh purd’eh puikot nenga ümbäri-ümbäri , lastikot pannah ümbäri .
Sit sih posteli pannah , purd’eh puikkoloil .
Sit sinne tuhkua , poštelih sih tuhkua pannah , sit vettü .
Vett ammuldetah , ammuldetah .
Ülen oli Ofon’as suuri bukku , korvoidu kolme meni vettü .
Sobua oli äijü , täwzi buukku rodih sobua .
Sit kruanaz valellah .
Valetah , ezmäi on tühd’ü vezi , valetah kui sid nih tuhkih kuatah .
Opädi i valaw , opädi tuhkih kuadaw , sit sinne poro menöw .
Sit tulen luadiw , hos kui vilu on , ga kül’üs keitti , a konzu ku l’ämmin ga , pihal tuli palaw , da kived hiliutah , sit sih vai tuhkie niil vai kivie laskietah .
Kivie laskietah , kuni vai ei pohd’u hiilu sie , sini ei heitetä laskendua , päivät keittäw bukkua keitti .
Piäliči kiehuw barbattaw , sid i .
Nečis , post’eliloil , kus tuhkad ollah da purd’eh puikkoloil , sit kiehuw , a alači laskow kruanas sie nečidä porua sidä , vettü sidä sie on vie vilu , ei vie l’ämmin läbi sovis : ülen on suuri pučči sobua .
Sit tostui kivie hiiluttaw da tostu i laskow kivie , tostu i valaw kruanas , sit valelow , valelow da sid i lämbiew pohd’u , l’ämbiew sit .
Ofon’az ei kiirehtettü sinäpiän pestä , üökse d’ätettih pezemättäh buukku se huondeksessah , huondeksel purretah vai kui se .
Endine svuad’bo. Enzimäizet ruavot
карельский: ливвиковское наречие
Сямозерский
Старинная карельская свадьба. Первые работы
русский
«
«
«
«