Тексты
Вернуться к списку | редактировать | удалить | Создать новый | История изменений | Статистика | ? Помощь
Miččed oma tobjembad praznikad?
Miččed oma tobjembad praznikad?
вепсский
Средневепсский западный
Tobjembad praznikad
oma Svižen’ da Äipei .Äipei oli kuume pejad , ristoidenke kaiken külän käveltas , ristad kädes da ristišoiš .Pertiš nügüd’ madal lagi om .Eduu vuugi madalamb oli .Ristad-ne kosktas lagehe .Ez’meižeks kadel’nicanke astuba , sid’ ristad , jäl’gmeižeks jo pap’ .Vastatas liibeiženke , pirgoideke .Pirgad liibeižuu päl , stolale lat’t’ud .Tohusuded viritet padaižihe .Muga paletas .Nügüd’ ni papid , nimid’a iile .
– Kut Sviženjad praznuičiba ?
– Sviženjad praznuičiba ez’meižeks pagastou mijou . Sid’ Järventaga nakka , praznuičiba sügüzuu , konz rahnmine jo lopiše .Min’ä täu voduu Äipejan kaiken külän proidin’ , kaikuččes pertiš olin’ .
– Äipejan munįd’ andaba ?
– N’ügüd’ ii ankoi , a eduu munįd’ andoiba papile . Pap-se mijou nel’ vot eli , ka munįd’ tob mäne teda min’ , i pirgoid en teda min’ .
– Nored guleitas Äipejan ?
– Guleitas , kargaitas i pajatadas , prihad vinad jodas . Siloi vähän humaloičiba , elend dengoid’ .Siloi dengoid’ – vaiše söteltas .Mugoi oli aig .Eduu mända kuna-ni , ka havadhine jupk päl , a nügüd’ mändas radole kutnä praznikale da polen aigad išttas .Kolhozas olim ka siloi ed ištund .Ku aigoin putui väheižen aigemba radospei tuuda , ka kus - kaskeses ištud , ed rohti derüunaha tuuda .Mugoi oli aig .Min’ä ka en vareidand , hot’ aigemba läksin’ .Min’ä karavulas radoin’ , mindai ii voitud pidada .Kaks’kümne viž vot karavulin’ .Mužik-se kol’ , ka nižaline laps’ oli jänu minei , voz’jeine .Tari oli karavulha mända , voz’jeine lapsut jäi pert’he .Ez’meičuu touvuu andoiba minei abunikan .Konz min’ä rados , abunik minai lapsenke .Sid’ möstona hän mäneb .Kaiked nägin’ , da ed mid’a tege , tari söteltas , liib sada .Ladvas kol’ sömata mäne teda mid’a rahvast .Näl’gha kol’ äjan , erasti nellin’ paniba maha hubil’ vozil’ .Muga kol’ golodaha .Nügüde düvja om eläda , ka vanh olen .Eduu podr’adaha mänin’ kahesanduu voduu radole , näged mecha .Muštan , kaika pilimei , sid’ kohtha Ondjärves tulimei .Tullei muga , ajada ii voind , randas i magazim .Ümbri järves kod’he tuuda ka pimed .Lämöihuden tegimei , hiinäd kandišimei sabraspei da ön magazimei .Ö-se sügüzuu pit’k om .Muga putui .A nügüde mašinoil’ vödas i todas .Nügüd’ vanh olen ka porotab kaik sijad .
– Äjak sinai lapsid oli ?
– Nel’l’an . Lapsed oliba valatet kaik .
– Kut valatadas lapsid ?
– Tuleb pap’ , erasišti sutkoiš päliči , erasišti enamb . Ristimamad pandud da ristižad pandud .Ümbri kupeliš käveltas ristimam da ristiž lapsenke .Ristimamaks da ristižaks hiimod ottas , velled da sizared .
– Beregoičiba jäl’ges hiid ?
– Nügde beregoitas , a siloi beregust oli vähahk . Liibäd söda elend , ka mitte beregoičend .Aigad oliba hubad siloi .
Miččed oma tobjembad praznikad?
вепсский
Средневепсский западный