Тексты
Вернуться к списку | редактировать | удалить | Создать новый | История изменений | Статистика | ? Помощь
NEVONDAD. Vepsläižed muštatišed
NEVONDAD. Vepsläižed muštatišed
вепсский
Vähemb
– kelel , enamb melel .
Ala openda kalad ujumaha .
Astud , ka sil’mäd avaida , a su saupta .
Ala nagra rahvast , ilo om ičelaiž kodiš .
Abuta mehele mäges , a lapsele künduses .
Sö muiktad , ka ed varaida huiktad .
Mahtad munid söda , ka mahta kanoid-ki sötta .
Ala mäne , kuna ei pida , ala ota midä ei tariž .
Toižid ala nagra .
Sö nagriž sügüzel , a ak pidä nores .
Ala nagra nagrišt , om ret’kad kodiš .
Ala liče nena verhaze töhö .
Kaiče nena sures pakaižes .
Neižne , gul’ai , da ala ičtaiž unohta .
Libu aigemba , dai mäned edemba .
Ku näged , ka ala küzu .
Vähemba näged i kuled , ka vähemban küzutaski .
Vähemb nähta , enamb tehta .
Ala hüppi edel , kuni oja ei tule .
Paremb om oja tugeta , mi jogi .
Ala openda , midä iče ed teda .
Opete hüväl radnikal .
Opete hüväle , ala pahale .
Min ostad , sen söd-ki .
Otad , ka ota .
Otte hüvin , ei linne jüged .
Hulas padaspäi kädel lihad ed veda .
Ei sa kaikile papin olda , pidab i ponomarin .
Paremb vaitti ištta , mi joudajad jauhta .
Ala pili part keskel , a pili röunas .
Meleta päl , ala perskel .
Homendeses päiv jätkta , ala ehtkoižes .
Radod ei ole – ka laps’ tege , hol’t ei ole – ka drug tege .
Ala rahvast hondosta .
Ala kitä iče ičtaiž , kitkähä rahvaz .
Mi – sinei , ka se i minei .
Ken svad’bas pajatab , se mehel voikuid laskeškandeb .
Kacud taivhaze , ka kand regen kukerdab .
Tunged – ka tunge , vedad – ka veda .
Min valad , sen jod-ki .
Ridle , hot’ torada , a verhaze ala tartu .
Abuta leta , ala abuta lasketada .
Ala pagiže , a tege .
Pidä käded kodiš .
Čapa , sö da anda meile .
Tege čoga tobjemb , a ma suremb .
Näged torokad , a merehe ajad .
Mahtad joda , mahta maksta-ki .
Kelel hot’ kut , a käzil ala koske .
Vähemb kelel , enamb melel .
Kus kibed , sigä käded , a kus armaz , sigä sil’mäd .
Ala kaiva kopad rahvahale , iče sinna putud .
Korvha ed pane , a suhu paned .
Kule korval , ala perskel .
Enamb kule , a vähemb sanu .
Vähemb kule , enamb teda .
Ala opete ühtel kädel kudomaha paidad .
Eci , kut leibäd ecid , ka löudad-ki .
Mahtad läžuda , mahta spravitadas-ki .
Mahtad vigan tehta , ka mahta oigetas-ki .
Kut mahtad , muga i ahtad .
Semendajad ala sa , a kegonpanii sa .
Kädes pidä , dai ala kirbota .
Hebon higoho da akan voikhu ala kacu .
Sö kromaine , ka linned priha čomaine .
Anda vald jaugad oigeta .
Min ecid , sen löudad-ki .
Ühtes bokaspäi ei vestkoi .
Üks’ jaug kävele , a toine varasta .
Ala keita edel , mi katl’an sad .
Mitte katuz (odjal ) om , ka muga jaugad-ki oigenda .
Ed keita , ka ed sö-ki .
Kel’ čokki voilatkaižehe , paremb linneb eläda .
Ken min sanub , ka pidä kel’ sus .
Pidäd , ka pidä käzil , ala künambrusil .
Otajale üks’ grähk , a sanujale sada grähkäd .
Jänut ei midä jätta , langenut ei midä sortta .
Min kadotid , sen kokid-ki .
Ei küzugoi kuverdas tegid , a küzutas : ken tegi .
Küzuda – ei vargastada .
Lanktem , ka libum .
Hüvän teged – ka hüväl mušttas-ki .
Ole laskav , ka sinunke-ki lindas laskvad .
Lähted parembad ecmaha , ka ed löuda nimittušt .
Verhan vargastad , a ičeiž kadotad .
Veslas eläd – ala nagra , teravas astud – ala jokse .
Kaikiš löumemb (jügedamb ) om eläda mehel , rauhid (vanhoid ) sötta , enzne velg maksta da penid lapsid kazvatada .
Min ištutad , sen kaivad-ki .
Su avaida , ka taivhaspäi ei lankte .
Gräh suhu ei mäne , suspäi lähteb .
Pahas mehespäi pagene , hüväs pidelte .
Jokstes jänišad ed tabada .
Kaiked voikud ei sa voikta .
Svad’baha päliči dorogas ei mängoi , a nel’l’kümčihe nel’l’kümne virstad jaugai asttas .
Pästa Jumal paimeta verhid živatoid da kacta verhid lapsid .
Ühten taivhan al olem .
Val’l’asta hebo päspäi , ei perskespäi .
Kuverz’ sil’mihe tariž redud , severz’ verast otta voib .
NEVONDAD. Vepsläižed muštatišed
вепсский