Тексты
Вернуться к списку | редактировать | удалить | Создать новый | История изменений | Статистика | ? Помощь
Ladvas kaik pagižiba vepsaks
Ladvas kaik pagižiba vepsaks
вепсский
Средневепсский западный
Min’a
olen rodn’us Ladvas , Ladvan küläs , nel’kümne vot tagaz .
– Oled-ik sin’a kaiken igän pagižnu ičemoi kelel ?
– Min’a ez’mäks openzimoi pagišta vepsaks . Konz iksin’ olen , konz ičein’ke pagižen erasišti , ka vepsaks kaiken , en ven’aks , meledgi tuldas eduu vepslaižel kelel .Kuti ihtes openzimoi vepsakelen i ven’akelen .Konz školha mänin’ ka min’a hüvin’ mahtoin’ ven’aks-ki , ii mišto pagišta , a lukt’a , kirjutada .Mamoi minai radoi bibliotekas , hän sigä uboršican radoi , sikš min’a penessai knigad nägin’ kaika , kädes pidelin’ , okha lukt’a en mahtand .
Minai om sizar Taisja , kuumel vodel vanhemb .Hän školha käveli , a min’a hänenke kacuin’ knigad , küzuin’ mitte bukv om , hän sanui .Muga kuti iče openzimoi lugm’aha-ki .Kuz’ vot ol’ .Muštan mišto openzimoi lugm’aha ka sizaren knigad luglin’ .Kerdan hän oti mindai bibliotekha .Radoi siloi sigä Raisa F’odorovna Čarandova , hän ii uskond , mišto min’a mahtan lukt’a .Sanub : «Hän vuu pen’ om , školha ii kävele ».Sizar sanub : «Mahtab ».Andoiba minei knigan .Min’a vareižin’ sanuda , huiged oli .Potom otin’ i lugin’ kaiken , siloi jo uskoiba i andoiba knigad lukt’a .
Konz školha mänin’ ka min’a lugin’ jo voib sanuda sanktad knigad , sikš min’a ez’mäižes klassas openzimoi čomin’ .Kuume klassad openzimoi čomin’ .Opendajad kitiba , mišo čomin’ opendamoi .
– Olik škol sigä Ladvas ?
– Ka škol siloi oli Ladvas , külä … hän oli sur’ , siičme der’ounad , kaik nece Ladv , a erazvuiččed der’ounad : Ag’g’ , Sep , Jušanmägi , Järventag , Pagast .Miide pert’ ani Pagastou , ani kesk’küläd , a rinduu škol .Siloi kahesa klassad oli , Ladvas openziba .Siloi vuu eskai Ladvha vediba opendamahas Kurbuupei , om külä mugoine , kaks’toštküme kilometrad Ladvaspei .Sigäpei vediba vuu Ladvha lapsid’ vanhembihe klassoihe .
Konz min’a kuume klassad lopiškanzin’ , siloi jo školan otiba Kurbale , ühesa klassad Kurbale , i sel’skijan sovetan otiba Kurbale .Kodiš min’a kuume klassad čomin’ openzimoi , a Kurbale läksin’ jo elämaha internatha .Sigä miid’ pičuižid’ lapsid’ abidiba vanhembad .Min’a kodihe tulin’ ka voikin’ , mišo enamb en mäne Kurbale .
– Nedalikš mänid ?
– Ka nedalikš . Kaikuužuu peivuu vedaižiba ka oliž paremb .Vanhembad lapsed toižiš külišpei ka vuu abidiba ladleižid’ , jäl’ges jo hondomba openzimoi .
– Miččiš külišpei Kurbha tuliba lapsed ?
– Sigä openzihezoi Ladvaspei , Mäg’g’ärvespei i Kurbaspei . Möhemba konz min’a openzimoi kudendes – siičmendes klassas , vediba lapsid’ Rebagjaspei , mii kucuimei hiid’ reboilaižed .
– Kut tii pagižitei školas , mil’ kelel ?
– Mii školas pagižimei kaik vepsaks , opendajad miid’ vuu laiba , mišo augat pagiškoi , ika etei tedaškoi ven’akel’t’ . Opendajad oliba erased vepsläižed-gi , Ladvaspeiki iks’ oli , Anatoli Ivanovič Kudr’ašov .Hän miiden klassan vuu vedi , ka hän ven’aks mugažo pagiži lapsideke .
– Kodiš kaik pagižiba vepsäks ?
– Kurbou-se školas peremenoil’ i internatas kaik pagižimei vepsaks . Erased lapsed ii tetud , ii vepsläižed .Rahvas toižiš agjoišpei , mišo mecas rata .Hiideke-se ven’aks , a muite kesk miid’ , nu ladleižed-ne kaik oliba vepsad , kaik pagižiba .Erasil’ oliba daže roditel’ad ven’anikad , a hii tediba kelen , pagižiba miideke vepsaks ka .Mam ven’anik , a tat veps , kaik kanz tediba kelen .Lapsed kaiken ihtes vändiba irdou .
Ladvas kaik pagižiba vepsaks
вепсский
Средневепсский западный