Тексты
Вернуться к списку | редактировать | удалить | Создать новый | История изменений | Статистика | ? Помощь
Pagiz’ijago työ kar’ielakši školah šuat?
Pagiz’ijago työ kar’ielakši školah šuat?
карельский: собственно карельское наречие
Толмачевский
- Pagiz’ijago työ
kar’ielakši školah šuat ?
- Myö vain kar’ielaks’i .
A školašša rubiemma hormiks’i , a mie kar’ielaks’i n’in zavs’o .
- Šais’go paissa školašša kar’ielakši ?
- Kaikinker kar’ielaks’i paistih .
Vain što učit’el’at midä opaššettih , n’in tuada hormiks’i , a n’iin toin’e toiz’enker myö kar’ielaks’i pagiz’ima .
Ših aigah , miwn aigah , kaikki maltettih , a nyt iče kar’ielat , a lapšie opaššetah srazu hormiks’i .
Miwl ka napr’imer vanhembi poiga , n’iin hiän kar’ielaks’i vielä i šes’tä , pagizow .
A šes’tä , kuin hän’dä , maltua n’in maltaw , a n’iin paissa , vähän paissah , hot’ ka kyläššä i kažvettih .N’iin .
Mama t’iäl’ , ka miwn ka tuašša čikko tože .
- Mityš t’eilä ol’i kod’i , pereh , midä ruatih ?
- Meilä kod’i ol’i ...
Tätä ol’i paimen , a talvel , nu ponr’adka , fermašša hiän ruado , da kaikki .
A n’iin l’ehmie paimendi .
Per’eh ol’i šuur’i , d’ev’at’ čelovek lašta .
Meilä omat l’ehmät oldih , l’ehmät oldih i kanat , i poččie zavs’o myö pid’imä .
Koirua , kaz’ie objazat’el’no , i nyt’t’en on kakši kaz’ie i kakši koirua .
- Kylyö t’iälä ei ole ?
- On kyly !
A en’n’ein vet pez’iečimä myö kiwguašša , kiwguašša .
Mama lämmittäw , lawvan šin’n’e i kiwguašša par’imma .
Mie kiwguašša pez’iečiin laps’ena , ol’ima myö jo i podrostkazet , nyt’t’en mie jo en mahu .
A šidä jo l’ien’i ban’a , rubeima ban’aš pez’iečömäh , ka .
A n’iin koiss , da .
Mama vielä missä maz’ieči , myö vet lapšet tože ol’ima , n’in šes’tä , pežel’däw , a tätä tämä , no mänöw , matkalla on voda , pihalla valuačow dai näin .
- Äijägo oli čikkuo , vel’l’ie ?
- Miwla kakši čikkuo , myö kolmen , oi , ol’i nellä , yks’i tyttön’e pienenä lapšena kuol’i .
I vielä pien’i kuol’i , kakši pien’dä kuoldih , brihaččun’e .
Meidä d’ev’at’ čelovek ol’i lašta , äijä .
Šilloin oldih šuuret per’ehet , mie ol’iin vanhembi , pid’i kaikilla avuttua .
Midä šes’tä ?
Pikkaran’e , en pervoih klassah käwnyn , šes’tä , viiz’i-kuuži vuotta , miwla mama i tätä läht’ietäh , en’n’ein vet i käbyö kerät’t’ih , da uijitah meččäh talvel , a mie nän’kyičen näidä pikkaraz’ie , nän’kyičen i lattiet pežen , i šywvä varuššan , i l’ožankan lämmitän , tullah , a miwla jo kaikki gotov .
A nyt’t’en vet s’em l’et , viiz’i-kuuži , pidäw heidä nän’kyijä , lapšie ...
Parkie kiskoma .
Myö meččäh mänemmä , šiäkšet ka n’ieglotah miedä , a myö kiskoma parkie ...
Hein’iä tože srazu n’iit’t’iä ei annettu , pidäw vielä sofhozah n’iit’t’iä , kolhozah , kolhozat oldih , šin’n’e n’iit’t’iä , a šidä jo ičellä , yškäz’iin , da peittoz’iin , ka lapšet mänemmä , da näih tuhjoloih , šeizotamma rugozet , da ...
Meilä ol’i yks’i l’ehmä , važa , počči , ol’i i lammašta , čibua ol’i .
Mie ol’iin vielä pikkaran’e pacankan’e , a šidä jäl’geh ewllun , a näidä , lammašta ol’i .
Lammašta meilä ol’i , hyvie lammašta , nel’l’in-kolmen tuow pikkaras’t’a , nu skoko nän’kyijä pid’i , i šen’e tože kuin lapšet .
- Šaitta alaz’ie da noskuo lambahan villašta ?
- Da , i šes’tä , kuin hän’dä , Val’a-t’otka ol’i meilä t’iälä , jo kuol’i , n’iin hiän i t’opluhaz’ie luad’i .
A šidä n’ieglottih noskuo , alazet .
Šes’tä , lähet šarvaroissa ka goralla čuruamah , tulet , rejat riputah , šarvarat nämä kaikki sosul’koissa , kiät kyl’mättännyöt , ei šua i ovi avata , što et t’iijä ...
Kaikkeh rukah ol’i !
No i hyvä ol’i el’iä !
- Midä šöittä ?
- Midä šöimmä ? A midä ?Kaikkie šöimmä .
I juablokkua luukunker i prosto juablokkua , i juablokkua mama toko šes’tä , meilä mama ol’i provornoi , näidä ka kaikkie paisto , ka myö näidä kaikkie tože paistamma ...
N’iin juablokkua kuor’il , šes’tä , zal’jot i n’iin , vet pl’itkoida tože ei ollun , a l’ožankua i kežällä lämmit’et’t’ih , oi , kiwguada , kiwguah pannah juablokan , zal’eijah kuorella , tulet obedah šywvä .
I kaikkie , i nuat’t’irokkua , nuat’t’irokkua konža l’ihanker , a konža postnoi , tämä s’erije šči , ka nämä , kuin hän’däh , ei valgie kapusta , a ka nämä l’ehet piäl’immäs’tä , da , nuat’t’irokkua .
A vielä nuat’t’irokka vielä i röt’känker , a vielä i röt’kiä i d’er’it šez’ih , jo postnoih .
Posnoida šes’tä i šöimä .
Nu ka midä ?
I jäiččäpäin’in’d’ , i jäičän šežen maijonker i tože kiwguah , a hiän šielä , ka myö kuččuma : ”Nyt’t’en päin’in’dä tahottaw .”
Kalah tože käwd’ih , n’in kalua i žuar’ima , i tušima , a viel’ midä , tože pikkaraz’ie näidä tuwvah , n’in tože čugunazeh panet dai .
Midä vet pid’i šywvä .
Oman šöimmä kaiken ...
Karbalot ker’itäh , karbaloh mänemmä , ker’iämmä , karbaluo tuomma , buolua , mus’s’ikkua , kaikki nämä , da , juomukkua , vavarnuo , vavarnuo i nyt’t’en , da .Kaikkie .
A muuraindu ?Muuraindu , da .
Pagiz’ijago työ kar’ielakši školah šuat?
карельский: собственно карельское наречие
Толмачевский
Говорили ли Вы по-карельски до школы?
русский
-
-
-
-