ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Ol’ga Dubitskaja. “Kondii-poigu” sai “Arlekinan”

Ol’ga Dubitskaja

“Kondii-poigu” sai “Arlekinan”

карельский: ливвиковское наречие
Новописьменный ливвиковский
Piiteris, 17.-25. sulakuudu, piettih XIV Ven’an teatrutaijon festivualiArlekin”. Festivualis kilbailtah Ven’an teatroin parahat spektaklit lapsih niškoi.

Tänävuon Arlekin-festivualis kilbailtih Ven’an eri teatroin 89 spektaklii. Kai nämmä spektaklit ollah luajitut 2015-2016 teatrukavven aigua lapsih niškoi. Parahikse ekspertat vallittih vaiku kuuzi spektaklii. Niilöin joukos on Karjalan tazavallan Kanzallizen teatran spektakliKondii-poigu”, kuduan ohjuajannu on V’ačeslav Pol’akov.
Kondii-poigu -spektakli on suannuh Arlekin-festivualis nelli palkinduo. Karjalazien suarnoin mugah luajittu spektakli on ven’ankieline, ga kai ritualizet tavat spektaklis ollah karjalan kielel. Tämä spektakli rodih parahakse festivualis, sai diploman da hobjazen Arlekin-vestoksen da dengupalkindon. Spektaklin ohjuaju V’ačeslav Pol’akov rodih laureatakse nominaciesParas ohjuajan ruado”, a spektaklin taidoilii Jegor Kukuškin voitti Paras taidoilijan ruado-nominacies. Paiči sidä Kondii-poigu -spektakli sai Teatruarvostelijoin associacien palkindon.
Pidäy sanuo, ku spektaklinsuittolippahasjo on Majatuli-festivualin palkindoParas akt’ouruansambli”.
V’ačeslav Pol’akoval on jo ideidu uudeh lapsien spektaklih niškoi. Ohjuajan sanoin mugah, uvven spektaklin pohjannu rodieu skandinuavine starin, kuduan urholoinnu ollah vikingat da trollit.