Тексты
Вернуться к списку | редактировать | удалить | Создать новый | История изменений | Статистика | ? Помощь
Semendai
Semendai
вепсский
Младописьменный вепсский
1Kerdan
Iisus möst openzi järven randal . Ümbri hänes kogozihe muga äi rahvast , miše hänele pidi mända veneheze .Hän ištui venehes järvel , i kaik rahvaz oli randal .
2Hän openzi heid ozoitezstarinoil äjihe azjoihe . Ninga hän heid openzi :3«Kulgat ! Mez’ läksi semendamha .4I konz hän semenzi , tegihe muga , miše erased semned lanksiba teverhe , i lindud tuliba i söiba jüväd .
5Erased semned lanksiba kivimaha , kus semnile oli vähä mad . Nene semned teravas läksiba orahaižile , sikš ku ma ei olend süvä .6No konz päiväine paštaškanzi , orahaižed vänttuiba , i ku niil ei olend jurid , ned kuivehtuiba .
7Erased semned lanksiba ogahheiniden keskhe , ogahhein kazvoi i täpsi orahaižid , i villäd ei kazvand -ki .
8No erased semned lanksiba hüvähä maha . Ned läksiba orahaižile , kazvoiba i andoiba hüvän villän , eraz andoi koumekümne jüväd , eraz kuz’kümne , eraz sada jüväd .
9I hän sanui : «Kenel oma korvad kulda , ka se kulgaha !»
Semendai
вепсский
Младописьменный вепсский