Тексты
Вернуться к списку | редактировать | удалить | Создать новый | История изменений | Статистика | ? Помощь
Iisus sötab nel’l’tuhad mest
Iisus sötab nel’l’tuhad mest
вепсский
1Nenil
päivil kerazihe ani äi rahvast , i heil ei olend nimidä söda . Iisus kucui openikoid ičezennoks i sanui :2«Minei om žal’ necidä rahvast . Hö oma minunke jo koume päiväd , a heil ei ole nimidä söda .
3Ku oigendan heid kodihe näl’gäl , ka hö väzuba tel . Erased heišpäi oma tulnuded edahanpäi-ki .»
4Openikad sanuiba hänele : «Kuspäi tägä rahvahatomas mas ken-ni voiži sada leibäd , miše heid kaikid sötta ?»
5«Kuverz’ teil om leibäd ?» – Iisus küzui . Hö sanuiba : «Seičeme .»
6Iisus käski rahvahale išttas maha . Sid’ hän oti nene seičeme leibäd , kiti Jumalad , lohkaiži leibäd i andoi palad openikoile , miše hö jagaižiba .Openikad jagoiba leibäd rahvahan keskes .
7Heil oli mugažo kuvert-se kalašt . Iisus kiti Jumalad kalas i käski jagada ned-ki .
8Rahvaz söi külläks , i jänuzid supaloid keratihe seičeme puzud .
9Söjid oli läz nellädtuhad . Iisus pästi heid 10i kerdalaz ištuihe openikoidenke veneheze i läksi Dalmanufan tahoze .
Iisus sötab nel’l’tuhad mest
вепсский