Тексты
Вернуться к списку | редактировать | удалить | Создать новый | История изменений | Статистика | ? Помощь
Sab-ik erigata akaspäi vai mužikaspäi?
Sab-ik erigata akaspäi vai mužikaspäi?
вепсский
1Iisus
läksi sigäpäi i mändes Jordanjogen päivnouzmpolen randadme tuli Judejan tahoze . Hänennoks kogozihe möst äi rahvast , i kut ende hän möst openzi heid .
2Hänennoks tuli mugažo farisejid , kudambad kodvden händast küzuiba , voib-ik mužik tacta ičeze akan .
3Hän sanui heile : «Midä Moisei om käsknu teile ?»
4Hö sanuiba : «Moisei om käsknu meile kirjutada erigoituzbumagan i jätta akan .»
5Iisus sanui heile : «Tö olet kovasüdäimeližed , sikš hän kirjuti teiden täht necen käskön .
6Ved’ jo mirun tegemižespäi Jumal tegi mehen mužikaks i naižeks .
7Sen täht mužik jätab tatan i maman 8i tartub ičeze akaha , i muga nene kaks’ tegesoiš ühteks hibjaks . Hö jo ei olgoi enamb kaks’ , hö oma üks’ .9Ka midä Jumal om ühtenzoitnu , sidä algha mez’ erigoitkakoi .»
10Konz hö oliba pertiš , openikad möst küzuiba händast necen azjan polhe .
11Iisus sanui heile : «Ken tacib ičeze akan i naib toižel , ka hän magadab verhan akanke . 12A ku ak tacib ičeze mužikan i lähteb mehele toižen taga , ka hän magadab verhan mužikanke .
Sab-ik erigata akaspäi vai mužikaspäi?
вепсский