Тексты
Вернуться к списку | редактировать | удалить | Создать новый | История изменений | Статистика | ? Помощь
Ozoitezstarin vinpusadun kortomnikoiden polhe
Ozoitezstarin vinpusadun kortomnikoiden polhe
вепсский
1Iisus
zavodi pagišta heile ozoitezstarinoil : «Mez’ ištuti vinpusadun , tegi ümbri aidan , kaivoi vinmarjoiden puzerduzkurnan i tegi varjoičendbašn’an . Sid’ hän andoi sadun kortomaha vinmarjan kazvatajile , a iče ajoi neciš maspäi .
2Konz tuli aig , hän oigenzi käskabunikan vinmarjan kazvatajidennoks , miše hän saiži ičeze palan sadunsatusespäi .
3No nene mehed tabaziba händast , löiba i oigenziba tagaze pal’hal kädel .
4Ižand oigenzi heidennoks toižen käskabunikan , no neche hö tacliba kivil i löiba pän verhesai i huigenzoitten oigenziba saduspäi .
5Hän oigenzi möst uden käskabunikan , i händast hö rikoiba . Muga oli toižile-ki : keda hö löiba , keda rikoiba .
6Nügüd’ jäi völ üks’ , hänen armaz poig . Händast hän oigenzi jäl’gmäižen vinmarjan kazvatajidennoks .Hän meleti : «Heile linneb huiged koskta minun poigad .»
7No nene mehed sanuiba kesknezoi : «Hänele jäb kaik ižandaspäi . Tulgat , rikkam poig , siloi hänen ma linneb meiden !»
8Hö tabaziba händast , rikoiba i taciba vinpusadun irdpolele .
9Midä vinpusadun ižand nügüd’ tegeb ?» küzui Iisus .«Hän tuleb i rikob nenid vinmarjan kazvatajid i andab sadun toižile . 10Et-ik olgoi lugenuded Pühiš Kirjutusiš necidä sijad : – Kivi , kudamban sauvojad taciba laptaha , om nügüd’ päkivi .
11Necen om tehnu Ižand , i se om čud meiden sil’miš .»
12Ülembaižed papid , käskištonopendajad i vanhembad tahtoiba tabata Iisusad , sikš ku hö el’genziba , miše Iisus ozoitezstarinal oli sanunu heiden polhe . No ku hö varaižiba rahvast , ka jätiba händast i läksiba tägäpäi .
Ozoitezstarin vinpusadun kortomnikoiden polhe
вепсский
Марк 12:1-12
русский
3
5
6
7