Тексты
Вернуться к списку | редактировать | удалить | Создать новый | История изменений | Статистика | ? Помощь
Kävymmö sanasuarele!
Kävymmö sanasuarele!
карельский: ливвиковское наречие
Новописьменный ливвиковский
Meijän
pagin karjalan kielen čomuos da rikkahuos jatkuu .Täl kerdua myö tuaste otammo paginale suguu da perehty koskijua teemua .-Lu-juondehen avul karjalan kieles roijah sanat kodoilu da miehoilu .Tiijätgo , mit net ollah ?Kodoilakse karjalazet sanotah vahnembien – tuatan da muaman – kodii .Konzu neidine menöy miehele da lähtöy elämäh ukon kodih , sidä kodii ruvetah sanomah miehoilakse .Himo miehoilah , kaksi himuo kodoilah – moine sananpolvi on karjalazil .Vikse ellendät sen .Miehele mennä himoittau , ga kodih kiändyö sit vie enämbäl .
Juondehien avul ollah roittu sanatgi tuatoušin , muamoušin , died’oušin da buaboušin .Nämmä sanat ollah adjektiivat da ven’akse niidy pidäy kiändiä , kui ’отцов , доставшийся от отца’ , ’мамин , доставшийся от мамы’ , ’дедушкин , доставшийся от дедушки’ , ’бабушкин , доставшийся от бабушки’ .Tuatoušinat ongiruagat , muamoušinat sovat , died’oušin kodi , buaboušin paikku – nämmä kai ollah tuatas , muamas , died’ois da buabas jiännyöt vešit .
Konzubo käytetäh nämmii sanoi ?Tiijätgo ?
Siemenvoi vai pyhävoi ?
Pyhävoidu , ezimerkikse , on : siemenvoi , liinuvoi libo oliivuvoi .Pyhävoi sit on nimi voiloile , kudamii luajitah kazvoksis .Siemenvoikse sanotah päiväzenkukan siemenis luajittuu voidu .Siemenvoidu myö panemmo saluattoih , sieneh , kartohkan , kalan , ouveššiloin libo piirualoin žuarijes .
Rokku , liemi vai keitto ?
Rokakse da keitokse karjalazet sanotah suuppua .Liendy keitetäh kalas da ven’akse se on ’уха’ .Liemi-sanal on toine merkičysgi – ’бульон’ .Lihaliemi sit on ’мясной бульон’ , kalaliemi – ’уха и рыбный бульон’ .Liharokakse karjalazet sanottih päčis keitettyy lihasuuppua .Sendäh sit vikse on parembi sanuo ’щи’ – kapustukeitto , ’гороховый суп’ – hernehkeitto , ’грибной суп’ – gribakeitto .
Kävymmö sanasuarele!
карельский: ливвиковское наречие
Новописьменный ливвиковский