Тексты
Вернуться к списку | редактировать | удалить | Создать новый | История изменений | Статистика | ? Помощь
Iisus ozutase ičeze openikoile
Iisus ozutase ičeze openikoile
вепсский
9Konz
Iisus eläbzui kollijoišpäi aigoiš homendesel sobatan jäl’ghe , hän ozutihe ezmäi Magdalan Mariale , kudambaspäi oli küksnu seičeme pahad henged .
10Maria läksi sigäpäi i vei vestin nenile , ked oliba kävelnuded Iisusanke i nügüd’ voikiba opalas . 11Hö ei usknugoi , konz kulištiba , miše Iisus om eläb i Maria oli nähnu händast .
12Sen jäl’ghe Iisus ozutihe toinejiččikš kahtele heišpäi , konz hö astuiba tedme külähä .
13Hö pördihe sanumaha toižile , no heile-ki niken ei uskond .
14Jäl’gmäi Iisus ozutihe ühteletoštkümnele openikale , konz hö oliba sömäs . Hän lajiškanzi heid , miše hö oliba mugoižed uskmatomad i kovasüdäimeližed i ei usknugoi nenile , ked oliba nähnuded händast eläbzumižen jäl’ghe .
15Hän sanui heile : «Mängat kaikjale mirhu i sanelgat hüvä vest’ sen kaikile eläjile .
16Ken uskoškandeb i valatase , se linneb päzutadud . Ken ei usko , se linneb suditud .
17Ned , kudambad uskoba minei , tegeškandeba mugoižid tundmuztegoid : minun nimen vägel hö kükseškandeba pahoid hengid . Hö pagižeškandeba uzil kelil .18Hö otaškandeba käzihe küid . I hot’ hö joba sidä , mi voib rikta , ka se ei travi heid .Hö paneba käded läžujiden päle , i läžujad tervehtuba .»
19Konz Ižand oli sanunu heile necen , händast ottihe ülähäks taivhaze , i hän ištuihe Jumalan oiktale kädele .
20Openikad läksiba matkha i saneliba kaikjal hüvän vestin . Ižand radoi heidenke i vahvištoiti sanan tundmuztegoil .Amin’ .
Iisus ozutase ičeze openikoile
вепсский
Марк 16:9-20
русский
10
12
14