Тексты

Вернуться к списку | редактировать | удалить | История изменений | ? Помощь

Lemboi tahtoib manitada Iisusad

Корпус: библейские тексты (переводные)

Источник: Uz’ Zavet, (2006), с. 6
Evangelii Matvejan mödhe. Iisus zavodib radon 3-4. 4.

Lemboi tahtoib manitada Iisusad
(вепсский)

4 Jäl’ghe Heng vei Iisusan rahvahatomha maha, miše lemboi kodviži händast. 2Sid’ Iisus pühüti nel’l’kümne päiväd i nel’l’kümne öd, i jäl’gmäi hänele tegihe näl’g. 3Siloi manitai tuli hänennoks i sanui: «Ku sinä oled Jumalan Poig, ka käske nenid kivid kätas leibäks 4No Iisus sanui: «Pühiš Kirjutusiš om sanutud: «Mez’ eläb ei vaiše leibäl, a kaikuččel sanal, kudamb lähteb Jumalan suspäi.»»

5Sid’ lemboi vei Iisusan pühäze lidnaha i seižuti händast pühäkodin čuhule.
6Hän sanui Iisusale: «Ku sinä oled Jumalan Poig, ka tacte alahaks. Ved’ Pühiš Kirjutusiš om sanutud: «Hän andab ičeze angeloile käskön sinun polhe. kandaškandeba sindai ičeze käzil, miše sinä ed satataiži jaugad kivehe 7Iisus sanui hänele: «Om mugažo kirjutadud: «Ala kodvi Ižandan, ičeiž Jumalan tirpandad.»»

8Völ lemboi vei Iisusan lujas korktale mägele, ozuti hänele kaik mirun valdkundad niiden kal’husidenke 9i sanui: «Kaiken necen minä andan sinei, ku kombištud minun edehe i kumardatoi minei
10Siloi Iisus sanui hänele: «Lähte täspäi, soton! Pühiš Kirjutusiš om sanutud: «Kumarte Ižandale, ičeiž Jumalale, i služi vaiše hänele».»

11Siloi lemboi jäti Iisusan, i hänennoks tuli angeloid, kudambad pidiba hol’t hänes.