Тексты
Вернуться к списку | редактировать | удалить | Создать новый | История изменений | Статистика | ? Помощь
Gul’a Polivanova. Praznik kaik-se eläb!
Gul’a Polivanova
Praznik kaik-se eläb!
вепсский
Младописьменный вепсский
Kaik
ristitud lujas varastaba kezakud .Nece om kezan ezmäine ku – lapsil zavodihe pit’käd kezapästused , äjil aigvoččil ristituil om lebuaig .Vihandad pud , mujukahad änikod , ezmäižed kezan vihmad , hoštai päiväine , läm’ sä – nece om todesine rai !Meiden Vidlküläs necidä aigad varastadihe völ enamba , ved’ kezakus praznuitas vepsläine ”Elonpu ”-praznik .Enamb 30 vot nece praznik keradab äjid suomalaiž-ugrilaižen mirun ezitajid adivoičetajal Vidlan mal .Kaiktäna kulub čoma vepsän pagin , artistad ihastoitaba kacujid pajoil da častuškoil , teatrezitusil da karguil ...Muga oli kaikuččel vodel , no 2020.voz tuli eriližeks .
Täl vodel tradicionaline jogavoz’ne ”Elonpu ”-praznik oli tehtud udeks (toižes formas ).2020.
voz’ toi meile äi varastamatomid azjoid , vajehti muupäivid .No mö em varaikoi jügedusid .Kutžo mäni meiden praznik täl vodel ?
Vidl-külän Vepsän fol’klorkeskuz tedoti pirdatusiden da kirjoitusiden konkursoiden augotišes .Kaik tahtnikad voiba ühteta konkursoihe , a 13.kezakud tedištiba ičeze satusiden polhe .Vägestajid valitihe erazvuiččiš igän kategorij oiš .
Vepsän fol’klorkeskusen avoinirdal oli tehtud ”Minun armaz ma ”-sädandozuteluz .Kogonaižen päivän ristitud voiba tundištadas ozutelusen kaluidenke da ihastuda tegij oiden mastarudehe .
Andoi äi hüvid melid Vep sän fol’klorkeskusen lehtpol’ VKontakte - verkos .Ristitud erazvuiččiš tahoišpäi da eskai maišpäi voiba kulištada literatur-muzikališt kompozicij ad kodiman polhe .Fol’klorkeskusen radnikad tegiba koncertan programman surel armastusel .Läz kaikuččele municipaližen Vidlän külän tahole Keskusen radnikad omištiba sij aližiden kirjutajiden pajon vai runon .Video-formatas mö voim udes i udes kulištada heiden änid da sada hüväd mel’t .Vepsän fol’klorkeskusen lehtpolele oli pandud video-ozatelused pämehilpäi , administracij an radnikoilpäi , kollektivoiden ezitused da toižed kirjutesed , kus ristitud sanuiba äi lämid sanoid praznikan tegij oile da ristituile , ked kaikuččen voden paneba äi väged praznikan tegemižehe da vepsän kul’turan kaičendaha .
13.
kezakud oli voimuz kävuda ”Sajan lahjad ”-sädandozutelusele .Külän eläjad da adivod voiba arvostada mastariden radoid .
Vepsän fol’klorkeskuses ozutadihe videofi l’mad enččiš ”Elonpu ”-praznikoiš .Seičeme fi l’mad starinoičeba , kut praznuitihe ”Elonpu ”- pühäd ende .Pidab sanuda , miše kaik kacujad pidiba hol’t ičeze tervhudes : paniba modmaskad i oliba edahan toine toižespäi .
Praznikan azjtegod zavodihe 12.kezakud , no Vidl-külä zavodi vaumitadas jo aigemba .Ristituid ihastoitiba tradicionaližed čomitesed avoinirdal , seižutadihe enččiden praznikoiden kuvaozuteluz , kus külän eläjad voiba ecta tutabid modoid .Praznikan lavalpäi kuluiba änetadud pajod vepsän kelel .
Praznikan heng jo amu lendab küläs .Emägad ihastoitaba paštatesil ičeze kanzoid , voib olda , ken-se tegi praznikad kodiš i pajati pajoid garmonij al .Praznik kaik-se eläb !Täl vodel se om čudokaz ristituiden täht , no voib olda , sikš se jäi meiden muštho .Ved’ praznikan päpird om sen toštmatomuz’ !Muga-ki 2020.voz’ om čudokaz , no kaik-se jäb muštho .
Praznik kaik-se eläb!
вепсский
Младописьменный вепсский