Тексты
Вернуться к списку | редактировать | удалить | Создать новый | История изменений | Статистика | ? Помощь
L’ubov’ Baltazar. Ei olis jogie
L’ubov’ Baltazar
Ei olis jogie
карельский: ливвиковское наречие
Новописьменный ливвиковский
Ei
pidäs pajuo – ei olis sanua ,
Sit eläzimmö suutuksis da vaikkaine .
Vai olet sana – vai olet pajo ,
Sen tiediä suat vai konzu menöy aigaine .
Ei pidäs kengiä – ei olis dengua ,
Ei pidäs myvvä eigo ostua bazaris .
Vai olet kengy – vai olet dengu ,
Vai astut välläl vaigo pietäh kormanis .
Ei olis päččie – ei pidäs halguo ,
Ei pidäs mennä meččäh puudu kuadamah .
Vai olet päčči – vai olet halgo ,
Vai sinuu poltetah vai piäzet lämbiämäh .
Ei pidäs levuo – ei olis kodii ,
Ga tyhjät seinät hätkie ei ni seizottas .
Vai salvot koin – vai panet levon ,
Vai elät ijän ihan vilus karzinas .
Ei olis tiedy – ei pidäs hebuo ,
Sit vois kohti kaikkiel lendiä varoin vuoh .
Vai olet vedäi – vai tien tiedäi ,
Tie malta vallita – ku ei se vedäs suoh .
Ei olis jogie – ei pidäs sildua ,
Ga joves poikki rahvas piäzöy muite vai .
Vai olet jogi – vai olet sildu ,
Sen tiijät iče , toizil olgah yksikai .
Ei olis jogie
карельский: ливвиковское наречие
Новописьменный ливвиковский