Тексты
Вернуться к списку | редактировать | удалить | Создать новый | История изменений | Статистика | ? Помощь
Viiješ piä
Viiješ piä
карельский: собственно карельское наречие
Новописьменный тверской
1 Nähtyö Iisus rahvahan
nouži goralla ; i kuin hiän istuočih , lähendiäčettih hänen luo hänen opaššettavat .
2 I rubei ičeštä niin heidä opaštamah :
3 Ožakkakat key hät hengellä , hiän on taivaškuningahuš .
4 Ožakkahat itkijät , hyö käržytäh .
5 Ožakkahat tyy net , hiän liey mua .
6 Ožakkahat toven tahtojat i šuvaččijat , hyö kylläššytäh .
7 Ožakkahat kaikilla hyvän luadijat , heilä ičellä hyvä liey .
8 Ožakkahat puhtahat šiämellä , hyö Jumalua nähäh .
9 Ožakkahat šovinnon luadijat , hyö nimittiäčetäh Jumalan poijiksi .
10 Ožakkahat oigeista šyin porotetut , hiän on taivaškuningahuš .
11 Ožakkahat työ oletta , konža haukutah teidä i porotetah i jogo pahan šanan miun täh tiän piällä ažetetah .
12 Ihaštukkua tyӧ i hyvällä mielin olgua , šuuri teilä on palka taivahašša : niin ollah porotetut prorokat , kumbazet iellä teidä oldih .
13 Työ oletta muan šuola . Kuin rikkuočennou šuola , millä šuoluačou ?Nimidä ei rubie šilloin makšamah , a vain pois’ hänen kuatah i jalloila tallauduu .
14 Työ oletta ilman valgie . Ei voi peittiäčie linna goralla šeizatettu .
15 Eigo viritetä tuohušta i kattien alla panna , a ylähäkši , i ana palau kaikkien täh , ket ollah talošša .
16 Niin ana valguou tiän valgie inehmizien ieššä , jo ana nähtäisʼ tiän hyvät aziet i kiitettäisʼ tiän Tuattuo , kumbane on taivahašša .
17 Elgiägo pidäkkiä mieleššä , jotto mie tulin rikkomah zakonua ali prorokkoja ; en tullun rikkomah , a täyttämäh .
18 Aminʼ šanon teilä : Terämbieh taivaš i muailma häviey , a ei hävie yksi tähyt ali yksi piirytyš zakonašta , kuni kaikki ei luadieče .
19 Ken rikkonnou yhen näistä pienistä käššennöistä , i niin opaštannou inehmizie , pienin liey taivaškuningahuošša ; a ken luadiu i opaštau , žen šuurekši pannah taivaškuningahuošša .
20 Šanon teilä : Kuin tiän oigehuš ei liene šuurembi kirjamiehien da farise join oigehušta , että liene taivaškuningahuošša .
21 Kuulija työ , mi oli šanottu enneneläjillä : Elä tapa ; ken tappanou , že viärittiäčöy vanhemman ieššä .
22 A mie šanon teilä : Jogohine , ken tyhjäštä toista vihuau , viärä on vanhemman ieššä ; ken toista virkanou «raka », viärä on rahvahan ieššä ; a ken toista šanonnou umbituhmakši , šidä on mistä šyin panna tulizeh gejennah .
23 Kuin šie tuonnet šiun lahjan oltarin edeh , i šiinä muiss utat , jotto toine pidäy šiun piällä midä ni olgah ,
24 Jätä ših šiun lahja oltarin edeh , i mäne iellä luaji šovindo toizen kera , i šilloin anna šiun lahja .
25 Luaji terväh šiun vihazniekan kera šovindo , kuni olet hänen kera matašša , ana ei šuata šilma šiun vihazniekka vanhemman luo , i vanhin šiun andau toizella , i pandu lienet raudoih .
26 Aminʼ šanon šiula : Et šieldä piäže , kuni et anna jälgimästä kodrantua .
27 Kuulija , mi oli šanottu enneneläjillä : Elä luaji toizen naizinehmizen kera pahua .
28 A mie šanon teilä : Jogohine , ken kačahtau toizen naizen piällä i mieleššä pidäy pahua , že jo luadi pahan omalla hengellä .
29 Kuin oigie šiun šilmä šilma pahah šuattau , pissä poisʼ i luo ičeštäš ; parembi šiula on , ana häviey ey mi-olgah šiun hibieštä , a ei kaikella hibiellä olla luoduna tuligejennah .
30 I kuin oigie šiun käzi pahah šilma šuattau , leikkua kädeš i luo ičeštäš ; parembi šiula on , ana häviey mi-olgah šiun hibieštä , a ei kaikella hibiellä olla luoduna gejennah .
31 Oli šanottu : Ken laškenou ičeštä oman naizen , ana andau hänellä laškukirjan .
32 A mie šanon teilä : Jogohine , ken laškou oman naizen , vain ei pahan luadimon täh toizien kera , iče šuattau händä pahah ; i ken laškietun ottau , pahua luadiu .
33 Vielä kuulija , mi oli šanottu enneneläjillä : Et valehukšeh vannuoče , makšat Jumalalla šiun vannuočennan .
34 A mie šanon teilä : Nikuin ei vannuočie : elägo taivahalla , hiän on Jumalan šija ;
35 Elägo mualla , hiän on aluštana hänen jalloila ; elägo Ijerusalimalla , hiän on šuuren kuningahan linna .
36 Elägo vannuoče omallaš piälläš , et šie voi yhtä tukkua valgiekši ali muššakši muuttua .
37 Olgah tämä teilä šana : Niin , niin ; ei , ei ; a mi liigua virkuačou , že jo i kehno .
38 Kuulija työ , oli šanottu : Šilmä šilmäštä , i hammaš hambahašta .
39 A mie šanon teilä : Ei vaššata pahua , a ken iškenöy šilma oigieh šiun nägöh , kiänällä hänellä toine .
40 I ken tahtonou šiun kera hoppuočie i kiskuo šiulda vuateuš , anna hänellä i šoba ;
41 I ken ottanou vägeh šilma viršan aštuo , mäne hänen kera kakši .
42 Ken pakkuou šiulda , anna , i ken tahtou šiulda vellakši ottua , elä jätä .
43 Kuulija , mi oli šanottu : Šuvače šiun lähehistä , a vihazniekkua šiun elä šuvače .
44 A mie šanon teilä : Šuvakkua tiän vihazniekkoja , hyviä paiskua tiän haukujien piällä , hyviä luadikkua pahan tahtojilla teilä , i kumarrelgua pahan luadijista teilä i tiän porottajoista ,
45 Ana lienettä tiän taivahallizen Tuaton poijat , kumbane paistau päivästä hyvien i pahojen täh i laškou vihmua oigeila i riähkähizillä .
46 Kuin šuvannetta tiän šuvaččijoja , mityš teilä palka ? Eigo i mitarit šidä luajita ?
47 I kuin šebiälettä vain tiän pyhävellilöjä , min liigua luajitta ? Eigo i vierottomat šidä luajita ?
48 Niin olgua työ žen hyvähyöt , min hyvähyš on tiän taivahalline Tuatto .
Viiješ piä
карельский: собственно карельское наречие
Новописьменный тверской
3
24
35
41
45