Тексты
Вернуться к списку | редактировать | удалить | Создать новый | История изменений | Статистика | ? Помощь
Yhekšäš piä
Yhekšäš piä
карельский: собственно карельское наречие
Новописьменный тверской
1 I
mändyö veneheže , pois’ läksi i tuli omah linnah .
2 I tuodih hänen luo hermattoman , kumbane postelissa veny . I nähtyö Iisus hiän uššonnan , šano hermattomalla : Elä varaja , poigan , jättiäčetäh šiula šiun riähät .
3 I ka muuvennet kirjamiehistä mieleššä piettiih : Tämä korou .
4 I tiijuštahuo Iisus hiän mielet , šano : Mintäh työ pahua piettä omašša mieleššä ?
5 Mi on kebiembi šanuo : Jättiäčetäh šiula riähät , ali nouže i kävele ?
6 Ana že työ tiijättä , on annettu valda inehmizen Poijalla mualla jättiä riähkie ; šilloin šano hermattomalla : Nouže , ota omaš posteli i mäne kodihize .
7 I nouštuo , otti omah postelin , mäni omah kodih .
8 Nähtyö , rahvaš diivuoliečettih i kiitettih Jumalua , kumbane ando muozen vallan inehmizillä .
9 I lähtehyö šieldä , Iisus nägi mieštä dengua keriämäššä , nimie myötʼ Matveida , i šano hänellä : Aššu miula jälles es ti . I nouštuo , hänellä jälles es ti läksi .
10 I kuin hiän šöi talošša , äijät mitarit i riähkähizet , tulduo , hänen kera i hänen opaššettavien kera šyödih .
11 I nähtyö , Fariseit paistih hänen opaššettavilla : Mintäh mitarilojen da riähkähizien kera tiän opaštaja šyöy i juou ?
12 Kuuluštahuo , Iisus šano heilä : Ei pie tervehillä noidua , a läzijillä .
13 I mängiä työ opaštukkua , mi on : Hellimistä tahon , a ei tuondua , en mie tullun oigeida , a riähkähizie tulin kohendamah .
14 Šilloin tuldih hänen luo Iivanan opaššettavat i paistih : Mintäh myö i fariseit äijän pyhitämmä , a šiun opaššettavat ei pyhitetä ?
15 I šano heilä Iisus : Voijahgo kanžoveh itkie , kuni hiän kera on šulahane ? Tullah i ne päivät , konža otetah heildä šulahazen , i šilloin pyhitetäh .
16 Niken ei ombele vanhan vuattien piällä ilmattomattomua paikkua ; revittäy hiän enämmäldi vuattien , i šuurembi liey ey loukko .
17 Eigo panna uuvis’t’a viinua vanhoih kukkaroloih ; a kuin niin , rebietäh kukkarot , i viina kuaduu , i kukkarot hävitäh ; i раnnah uuvis’t’a viinua uužih kukkaroloih i molemmat šäilytäh .
18 Kuin hiän tädä heilä pagizi , tuli hänen luo yksi vanhin , kumardelih hänellä i pagizi : Tytär miulda nytten kuoli ; i šie , tulduo , pane hänen piällä šiun käzi , i hiän virguou .
19 I nouštuo , läksi Iisus hänellä jällesti i hänen opaššettavat .
20 I šiinä yksi naine , kumbane kakšitoistakymmendä vuotta puhteisa oli , läheni taguada päin i koššahuttih hänen vuattien helmua .
21 Mieleššä hiän pidi : Kuin vain koššahutan hänen vuattieda , i tervehyn .
22 Iisus kiändiäčih , i hända nähtyö , šano : Elä varaja , tytär , šiun uššonda šiun tervehytti . I šiidä šua naine tervehty .
23 I tulduo Iisus vanhemman kodih , nägi šoittajie i rahvahan kihizömäššä .
24 Šano heilä : Pois’ mängiä ; ei kuollun tyttö , a maguau . I haukuttih händä .
25 I kuin rahvahan porotettih , mäni hiän , otti hänen kiäštä , i nouži tyttö .
26 I rubei tämä azie kaikešša šiinä muašša olla kuulovilla .
27 I šieldä kuin läksi Iisus , hänellä jällesti aššuttih kakši šogieda , kumbazet möistih i paistih : Ole hellä meidä vaš , Iisus , Davidan poiga .
28 Kuin hiän mäni taloh , tuldih hänen luo šogiet , i šano heilä Iisus : Uššottago työ , mie voin tämän luadie ? Hyö šanottih hänellä : Niin , Hospodi .
29 Šilloin hiän koššahuttih hiän šilmie paissešša : Tiän uššondua myötʼ ana liey teilä .
30 I avauvuttih hiän šilmät . I kieldi heidä Iisus i šano : Kaččokkua , niken ei tiijuštais’ .
31 A hyö , lähtehyö , kaikkie šidä muada myötʼ kiitokšeh hänen laškeih .
32 Vain ne lähteih , tuodih hänen luo mykän lembolazen .
33 I porottahuo lemmon , rubei pagizomah mykkä . I diivuoliečettih rahvaš i paistih : Nikonža eu nähty niin Izruajelissa .
34 A fariseit paistih : Lembolojen vanhemman kautti porottau lemboloja .
35 I käveli Iisus kaikkie linnoja i kylie myöt’ , opašti rahvahašša , i šaneli Taivašjovangelie , i piäšti inehmizie jogo tauvešta i jogo kivušta .
36 Nähtyö rahvahan , hellä händä vaš oli , hyö oldih ärgeydynyöt i yöksynyöt , kuin lambahat paimenetta .
37 Šilloin šano omilla opaššettavilla : Leikkavuo äijä , da leikkuajua vähä ;
38 Žentäh kumarrelgua leikkavon izännällä , ana työndäis’ leikkuajie omalla leikkavolla .
Yhekšäš piä
карельский: собственно карельское наречие
Новописьменный тверской
38