Тексты
Вернуться к списку | редактировать | удалить | Создать новый | История изменений | Статистика | ? Помощь
Kakšitoistakymmeneš piä (Kaheštoista piä)
Kakšitoistakymmeneš piä (Kaheštoista piä)
карельский: собственно карельское наречие
Новописьменный тверской
1 Šinä
aigana aštu Iisus kylvön keššičči šuovattoina , hänen opaššettavat nälläššyttih i ruvettih nyhtimäh tähkie i šyömäh .
2 Fariseit , nähtyö , šanottih hänellä : Ka šiun opaššettavat luajitah , midä ei šovi šuovattana luadie .
3 Hiän šano heilä : Ettägo työ lugen , min luadi Davida , konža iče nälläšty i hänen kera olijat ?
4 Kuin hiän mäni Jumalan kirikköh i pyhäleivät šöi , kumbazie ei šovin hänellä šyyvä , eigo hänen kera olijilla , a vain yksillä pappiloila ?
5 Vielä ettägo lugen zakonašša , papit šuovattoina kiriköššä rikotah šuovattoja , a iče ei olla viärät ?
6 Šanon mie teilä : Šuurembi kirikkyö on tiälä .
7 Kuin työ tiedäzijä , mi on : Hellimistä tahon , a ei tuondua , että nikonža viärittäis’ oigeida .
8 I šuovatalla Herra on inehmizen Poiga .
9 I lähtehyö šieldä , tuli hiän suimuh .
10 I ka šielä oli mieš , kumbazella käzi oli kuivahtun . I kyzyttih häneldä , šobiugo šuovattana noidua ?Vain šais’ händä viärittiä .
11 I hiän šano heilä : Ken on teistä muone inehmine , kumbazella on yksi lammaš , i kuin langennou že šuovattoina haudah , eigo rabuače šieldä šuaha händä ?
12 Midä parembi on inehmine lammašta ? Žentäh šobiu šuovattoina hyviä luadie .
13 Šilloin šano šillä miehellä : Oijenna kädeš . I oijendi ; i lieni terveh kuin toine .
14 A fariseit , mändyö , luajittih šovinnon keškenäh , kuin händä hävittiä . Iisus , tiijuštahuo , šieldä läksi .
15 I hänellä jällesti aštu äijä rahvašta , i kaikki hiät tervehytti
16 I kieldi heidä , ei laškie händä kuulovilla .
17 Ana liey Isaijan prorokan šanalla , kuin hiän šano :
18 Ka poiga miun , miun mieldä myot’ , armaš miun , händä vaš palau hengi miun ; panen miun hengen hänen piällä i toven šanou vierottomilla ;
19 Ei rubie kiistämäh , eigo mögähä , eigo kuulušša ken hänen iändä tiešuaroila .
20 Šauvua katennutta ei katkua , i työdä kydeydynyttä ei šammuta , kuni ei šuata totta piäh šua .
21 I hänen nimeh vierottomat uškomah ruvetah .
22 Šilloin tuodih hänen luo lembolazen šogien i mykän ; i tervehytti hänen , i rubei šogie i mykkä pagizomah i nägömäh .
23 I kaikki rahvaš diivuolih i pagizi : Eigo tämä ole Hristos , Davidan poiga ?
24 A fariseit , kuuluštahuo , paistih : Tämä ei iče porota lemboloja , a vain vejelzevulan , lemboloin vanhemman kautti .
25 Tiedi Iisus hiän mielet i šano heilä : Jogo mua šovinnotta keškenäh tyhjä liey ; i jogo linna i jogo kodi šovinnotta keškenäh ei viikkuo pizy .
26 I kuin Sotona Sotonan porottau , toine toizen piällä noužou : i kuin voit valda hiän pizyö ?
27 I kuin mie vejelzevulan kautti lemboloja porotan , poijat tiän kenen kautti porotetah ? Žentäh hyö teidä viäritetäh .
28 A kuin mie Jumalan viän kautti lemboloja porotan , niin tuli teilä Jumalan kuningahuš .
29 I kuin ken voit männä vägövän kodih , i hänen tarbehet viijä , kuin ieldä päin ei šivonne vägövän ? i šilloin viey hänen kojin ?
30 Ken eule miun kera , že on miun piällä ; i ken ei kolloha miun kera , hävittelöy .
31 Žentäh šanon teilä : Jogo riähkä i koromine jättiäčöy inehmizillä ; a koromine Pyhähengen piällä ei jättiäče inehmizillä .
32 I ken šanan virkanou inehmizen Poijan piällä , jättiäčöy hänellä ; a ken virkanou Pyhähengen piällä , ei jättiäče hänellä , eigo tällä ilmalla , eigo tulovalla .
33 Niin luadikkua hyvä puu , i eineš hänen hyvä ; ali luadikkua paha puu , i eineš hänen paha ; eineheštä puu tunnuštuačou .
34 Vaškirčan kannetut , kuin työ voitta hyviä paissa , ollešša pahat ? Šiämeldä i šuu pagizou .
35 Hyvä mieš hyväštä šiämeštä hyviä pagizou ; a paha mieš pahašta šiämeštä pahua pagizou .
36 Mie šanon teilä : Jogo šanašta tyhjäštä , kumbazen virketäh inehmizet , annetah šanan häneštä toizella ilmalla .
37 Omista paginoista oijenduačet , i omista paginoista viärittiäčet .
38 Šilloin muuvenet kirjamiehistä da farisejoista niin hänellä paistih : Opaštaja , tahomma myö šiušta ožutandua nähä .
39 A hiän vaštah heilä šano : Paha rodukunda i huigeih azeih šegonut ožutandua eččiy ; i ožutanda ei anduače heilä , vain prorokan Ionan ožutanda .
40 Kuin Iona oli kiitan vačašša kolme päiviä i kolme yödä , niin liey i inehmizen poiga muan šiämeššä kolme päiviä i kolme yödä .
41 Ninevijan eläjät Jumalan edeh tullah tämän rodukunnan kera , i hänen viäritetäh , hyö kohenduačettih Ionan šanoista ; i ka tiälä šuurembi on Ionua .
42 Keškipäivänrannašta naizkuningaš tulou Jumalan edeh tämän rodukunnan kera , i hänen viärittäy , hiän tuli ilman rannašta kuundelomah Solomonan mieldä ; i ka tiälä šuurembi on Solomonua .
43 Konža pahalane lähtöy inehmizeštä , kävelöy kaikki vejettömät paikat , šijua eččiessä , i ei löyvä .
44 Šilloin šanou : Lähen järelläh omah kodih , mistä läksin . I tulduo , löydäy hänen tyhjän , pyyhityn i kerätyn ;
45 Šilloin mänöy i ottau ičen kera šeiččimen toizie pahalazie , pattiembie iččiedä , i mändyö , eletäh šielä ; i jälgiperillä liey šillä inehmizellä pahembi ennistä .Niin liey i tällä pahalla rodukunnalla .
46 Kuin vielä hiän pagizi rahvahalla , ka muamo hänen i hänen vellet ulguona šeizottih i tahottih hänen kera paissa .
47 Yksi mieš hänellä šano : Ka šiun muamo i šiun vellet ulguona šeizotah , tahotah šiun kera paissa .
48 Hiän vaštah šano šillä šanojalla : Ken on miun muamo ? I ket ollah miun vellet ?
49 I juohatti kiällä omien opaššettavien piällä i šano : Ka miun muamo i miun vellet ;
50 Ken elännöy miun Tuaton välliä myöt’ , kumbane on taivahašša , že miun velli , i čikko , i muamo (miula ) on .
Kakšitoistakymmeneš piä (Kaheštoista piä)
карельский: собственно карельское наречие
Новописьменный тверской
16
18
19
45
50