Тексты
Вернуться к списку | редактировать | удалить | Создать новый | История изменений | Статистика | ? Помощь
Nelläštoistakymmeneš piä (Nelläštoista piä)
Nelläštoistakymmeneš piä (Nelläštoista piä)
карельский: собственно карельское наречие
Новописьменный тверской
1 Ših
aigah kuulušti Iroda nelläš vanhin Šyndyruohtinah nähä .
2 I šano omilla lähizillä : Tämä on rissittäjä Iivana ; hiän kuoleista virgoi , i hänen tuačči nämä kummat ollah .
3 Tämä Iroda otti Iivanan , šido i pani hänen raudoih Irodiadan oman vellen Hilipän naizen täh .
4 Iivana hänellä pagizi : Ei šovi šiula eliä hänen kera .
5 I tahto Iroda tappua händä , da varaji rahvašta , rahvaš händä piettih prorokkana .
6 Irodan šyndypäivänä kargai keššellä Irodiadan tytär i tabah mäni Irodalla ;
7 Žentäh jiäkšiečennän kera toivotti kaikkie andua hänellä , midä hiän pakkois’ .
8 A hiän oman muamon kuhjutandua myöt’ šano : Anna miula nyt’ purdilolla rissittäjän Iivanan piä .
9 I tuškeudu kuningaš ; da jiäkšiečennän täh i omahizien täh , käški hänellä andua .
10 I työndähyö , leikkai Iivanalda piän tyrmäššä .
11 I tuodih hänen piän purdilolla , i annettih tytöllä , i hiän vei omallah muamolla .
12 I tulduo , hänen opaššettavat otettih hänen hibien i kätkeih ; i tulduo , šanottih Šyndyruohtinalla .
13 I kuuluštahuo , Iisus läksi šieldä veneheššä yksitein tyhjäh paikkah . I tiijuštahuo , rahvaš hänellä jällesti jalgazin linnoista tuldih .
14 I lähtehyö , Iisus äijä rahvašta nägi i hellä oli heidä vaš , i hiän voimattomat tervehytti .
15 Jo kuin oli myöhä , tuldih hänen luo hänen opaššettavat i paistih : Tyhjä tämä paikka , jo i aiga tuli ; lašše šie rahvaš , ana mändäis’ kylih i oššettais’ ičellä šyömistä .
16 Iisus šano heilä : Ei miksi männä ; työ andakkua heilä šyyvä .
17 A hyö šanottih hänellä : Eule tiälä enämbiä , vain viizi möykkyö i kakši kalua .
18 I hiän šano : Tuogua hiät miun luo tänne .
19 I käški rahvahalla istuočie nurmella i , ottahuo viizi möykkyö i molemmat kalat , kačahtih taivahaže i risti hiät , i katkohuo , ando opaššettavilla möykyt , a opaššettavat rahvahalla .
20 I kaikin šyödih i kylläššyttih ; i otettih jiännöšpaloja kakšitoistakymmendä täyttä vakkua .
21 A šyöjie miehie oli viideh tuhandeh šua , ilmain naizitta i lapšitta .
22 Šidä že aigua Iisus käški omilla opaššettavilla männä veneheže , i iellä händä olla toizella puolella , kuni hiän laškou rahvahan .
23 I laškehuo rahvahan , nouži goralla yksin kumardelomah ; jo myöhä oli , hiän yksin šielä oli .
24 A venehtä keškimerellä kandeli vejellä : oli vaštatuuli .
25 Vähiä ennen päiväzen noužuo tuli hiän luo Iisus jalgazin merdä myöt’ .
26 I nähtyö händä merdä myöt’ aštumašša , pölläššyttih i paistih : Nägyy meilä ; i šäräydyhyö , mögähettih .
27 Šidä kerdua šano heilä Iisus : Uroštukkua ; mie olen , elgiä varakkua .
28 Vaštah šano Pedri : Gospodi , kuin šie ollet , käšše miula tulla šiun luo vettä myöt’ .
29 I hiän šano : Tule . I lähtehyö veneheštä , Pedri aštu vezilöjä myöt’ Šyndyruohtinan luo .
30 I kuin nägi Pedri šuuren tuulen , pölläšty i rubei uppuomah , i mögähtih : Gospodi , piäššä milma .
31 I terväh Iisus oijendi kiän , otti hänen i šano hänellä : Vähävierolline , miksi et uškon ?
32 I kuin hyö mändih veneheže , heitti tuulen .
33 Veneheššä olijat , lähendiäčehyö , kumarduačettih hänellä , i paistih : Toveštah šie olet Jumalan poiga .
34 I ajahuo poikki , tuldih Gennisarietan muah .
35 I tunnuštahuo händä , šigäläzet eläjät työnnettih kaikkie šidä randua myöt’ , i tuodih hänen luo kaikki läzijät .
36 I ruguoliečettih hänellä , vain hiän andais’ koššuttuačie hänen helmoja ; i ket koššuttuačettih , ne tervehyttih .
Nelläštoistakymmeneš piä (Nelläštoista piä)
карельский: собственно карельское наречие
Новописьменный тверской
7