Тексты
Вернуться к списку | редактировать | удалить | Создать новый | История изменений | Статистика | ? Помощь
Šeiččimeštoistakymmeneš piä (Šeiččimeštoista piä)
Šeiččimeštoistakymmeneš piä (Šeiččimeštoista piä)
карельский: собственно карельское наречие
Новописьменный тверской
1 I
kuuven päivän jälgeh otti Iisus Pedrin i Juakovan , i hänen vellen Iivanan , i hiän kera yksien nouži korgiella goralla .
2 I muuttih hiän ieššä , i valgoi hänen nägö kuin päiväne , i hänen vuattiet oldih valgiet kuin ilman valgie .
3 I ka ožuttuačettih heilä Moisei i Il’l’a , pagizomašša hänen kera .
4 I šano Pedri Šyndyruohtinalla : Gospodi , hyvä on meilä tiälä olla ; kuin tahtonet , luajimma tiälä kolme majua : šiula yhen , i Moiseila yhen , i yhen Il’l’alla .
5 Kuin vielä hiän pagizi , ka valgie pilvi katto hiät ; i ka iäni pilveštä kuulu : Tämä on miun armaš Poiga , händä vaš hyvä olen ; šidä kuunnelgua .
6 I kuuluštahuo , opaššettavat kumualleh langettih i äijäldi pölläššyttih .
7 I lähendiäčehyö , Iisus koššahuttih heidä i šano : Nouškua i elgiä varakkua .
8 I avattuo omat šilmät , nikedä ei nähty , vain yhtä Šyndyruohtinua .
9 Lähtiessä goralda , vakušti heilä Iisus : Nikellä elgiä niändiä šanokkua , kuni inehmizen Poiga ei virguo kuoleista .
10 I kyžyttih häneldä hänen opaššettavat : Midä kirjamiehet paissah , Il’l’alla pidäy iellä tulla ?
11 Iisus šano heilä vaštah : Il’l’a iellä tulou i kaikki luadiu ;
12 I šanon mie teilä : Il’l’a jo tuli , i ei tiijuššettu händä , i luajittih hänellä , min tahottih ; niin i inehmizen Poiga rubieu heistä tirpamah .
13 Šilloin kekšittih opaššettavat , rissittäjäh Iivanah näh pagizou .
14 I kuin tuldih hyö rahvahaže , tuli hänen luo mieš , i kumarrukšien kera hänellä
15 Pagizi : Gospodi , ole hellä miun poigua vaš ; uužilla kuuloila paha piekšäy händä , i äijäldi vaivuačou : äijän kerdua langiel’ou tuleh , i äijän kerdua vedeh .
16 I toin mie hänen šiun opaššettavien luo , i ei voidu händä tervehyttiä .
17 Vaštah šano Iisus : O , vierotoin i rikkuočennun rodukunda , viikkogo olla tiän kera ? Viikkogo tirpua teidä ?Tuogua händä miun luo tänne .
18 I kieldi händä Iisus ; i läksi häneštä lembo ; i tervehty brihačču šiidä šua .
19 Šilloin lähendiäčehyö opaššettavat Šyndyruohtinan luo , yksitällen paistih : Midä myöt’ myö emmä voinun händä porottua ?
20 Iisus šano heilä : Tiän ei-uššondua myöt’ ; amin’ šanon teilä : Kuin ollou teisä uššonda kargičan jyvän muone , virkatta tällä goralla : Mäne tiäldä tuanne , i mänöy ; i kaikkie rubietta voimah luadie .
21 Pahalazet ei porottuačeta , vain malitulla da pyhitännällä .
22 Kuin hyö Galilejašša elettih , šano heilä Iisus : Annettu lienöy inehmizen Poiga inehmizien käzih ,
23 I tapetah händä , i kolmandena päivänä virguou . I äijäldi oldih tuškeudunuot .
24 Kuin hyö tuldih Kapernaumah , tuldih Pedrin luo didrahman keriäjät i šanottih : Tiän opaštaja eigo anna didrahmua ?
25 Hiän šano : Niin . I kuin mäni kodih , ennätti häneldä kyžyö Iisus : Kuin šie piet mieleššä , Simona ?Mualoin kuningahat keštä vevon otetah , ali kiss onan ?omistago poijista ali vierahista ?
26 Pedri hänellä šano : Vierahista . Iisus šano hänellä : Niin omat poijat ollah vällällizet .
27 Ana emmä luaji heilä pahua mieldä , mäne , luo ongi mereh , i , kumbane iellä puuttuu kala , ota ; i avattuo häneldä šuu , löyvät statiran ; žen ottahuo , makša heilä miušta i ičeštäš .
Šeiččimeštoistakymmeneš piä (Šeiččimeštoista piä)
карельский: собственно карельское наречие
Новописьменный тверской
12
15
23