Тексты
Вернуться к списку | редактировать | удалить | Создать новый | История изменений | Статистика | ? Помощь
Viiješ piä
Viiješ piä
карельский: собственно карельское наречие
Новописьменный тверской
1 I
tuldih šillä puolla merdä Gadarijan randah .
2 I kuin läksi Hiän veneheštä , i tuli vaštah Hänellä mieš kalmismualda lembolane ;
3 Kumbanе elättäliečih kalmoissa , i raudoih händä šiduo niken ei voinun ;
4 Žentäh , jotto äijičči oli nuorilla i raudoih šivottu , i kateldih rauvat , i nuorat ei pizytty , i niken ei voinun händä tyynissyttiä ;
5 I aino , yöt i päivät , kalmoissa i gorissa oli , i mögizi , i lyöččiečih kivilöjä vaš .
6 Edahädä hiän , nähtyö Šyndyruohtinua , hyppäi i kumarduačih Hänellä ,
7 I mögähtähyö korgiella iänellä , šano : Mi Šiula i miula , Iisus , Taivahallizen Jumalan Poiga ? Jumalalla vannotan Šilma , elä vaivua milma .
8 Šano hänellä : Lähe lembo mieheštä .
9 I kyžy häneldä : Mi nimi on šiula ? I hiän vaštah šano : Legeona miula on nimi , jotto myö äijät olemma .
10 I äijäldi ruguoliečettih Hänellä , kuin ei työndäisʼ heidä šiidä rannašta .
11 I oli šielä gorua vaš šuuri karja šigua paimendavana .
12 I ruguoliečettih Hänellä kaikki lemmot , paissešša : Työnnä miät šigoih , i myö mänemmä heih .
13 I šidä že aigua käški heilä Iisus . I lähtehyö , lemmot mändih šigoih ; i luottuačih karja merirandua myötʼ mereh , a oli heidä läššä kahteh tuhandeh ; i upottih mereh .
14 A šigojen paimenet hypättih i šanottih linnašša i kylissä . I tuldih kaččomah , mi muozie luadiečou .
15 I tuldih Šyndyruohtinan luo , i nähtih lembolasʼtʼa istumašša , šuorinnutta i täyveššä hajušša , kumbazešša oli legeona ; i pölläššyttih .
16 I šanottih heilä nägijät , kuin piäzi lembolane , i šigojeh näh .
17 I ruvettih ruguoliečemah Hänellä , kuin Hiän läksiisʼ hiän rannašta .
18 I kuin Hiän mäni veneheh , ruguoliečih lembolane ottua händä Ičen kera .
19 Iisus ei ottan händä , a šano hänellä : Mäne kodihize omien luo i šano heilä , min luadi šiula Jumala i hyvitti šiun .
20 I läksi hiän i rubei šanelomah kymmeneššä linnašša , min luadi hänellä Iisus ; i kaikin diivuoliečettih .
21 I kuin tuli Iisus venehellä tuaš toizella puolla , keräydy äijä rahvašta Hänen luo . I oli meren luona .
22 I ka tuli Hänen luo yksi vanhin , nimie myötʼ Iaira , i nähtyö Händä , langei Hänellä jalgoih
23 I äijäldi ruguoliečih Hänellä , i pagizi : Miun tytär’ kuolomašša on ; i mändyö , panizit hänen piällä kiät , kuin šäilyisʼ hiän i elošša lienisʼ .
24 I läksi Hiän hänen kera . I Hänellä jällesti aštu äijä rahvašta , i ličottih Händä .
25 I yksi naine oli kakšitoistakymmendä vuotta puhteisa ,
26 I äijäldi vaivuačih äijistä noijista , i tuhottuo kaiken elon , nimityttä ei šuanut hyviä , a vain pahembi lieni .
27 Kuuluštahuo Šyndyruohtinah näh , tuli i rahvahan keššičči taguada päin koššahuttuačih Hänen vuatteušta ;
28 Niin pidähyö mieleššä : Kuin koššahuttuačennen Hänen vuatteušta , i lienen terveh .
29 I šidä že aigua heitti veren vuodamine , i kuulušti hibieššä , jotto piäzi tauvešta .
30 I šiinä že kuulušti Iisus viän Häneštä lähtenyön i , kiändiäčehyö rahvahašša , šano : Ken koššahuttuačih Miun vuatteida ?
31 I šanottih Hänellä Hänen opaššettavat : Niät , rahvaš Šilma ličatah , i pagizet , ken Šilma koššahuttuačih ?
32 I kaččeli Hiän , nähä , ken muone žen luadi ?
33 A naine , polläštynyt i šäräydynyt , tiediässä , mi hänellä lieni , tuli i kumardih Hänellä , i šano Hänellä kaiken toven .
34 I Hiän šano hänellä : Tytär’ , šiun uššonda šiun piäšti ; mäne Jumalan kera i ole terveh šiun tauvešta .
35 Kuni Hiän tädä pagizi , tuldih vanhemmašta šanomah : Šiun tytär’ kuoli ; midä vielä šie kučut Opaštajua ?
36 A Iisus šiinä že , kuuluštahuo , midä hyö paissah , šano vanhemmalla : Elä varaja , vain uššo .
37 I niken ei käšken Ičellä jällesti männä , vain otti Pedrin , Juakovan , i Juakovan vellen Iivanan .
38 I tuli vanhemman kodih i nägi mövyn , äijie itkömäššä i äijäldi röngymäššä .
39 I mändyö , šano Heilä : Midä työ mögizettä i itettä ? Tyttö ei kuollun , a maguau .
40 I haukuttih Händä . A Hiän , porottahuo kaikkie , otti tytön izän i emän , i ket Hänen kera oldih , i mäni , missä veny tyttö .
41 I ottahuo tytön kiäštä , šano hänellä : Talifa-kumi , mi šanuočou : tyttö , šiula pagizen , nouže .
42 Šidä že kerdua i nouži tyttö , i käveli , oli hiän kahtatoistakymmendä vuotta . I ylen äijäldi pölläššyttih .
43 I äijäldi kieldi heidä , kuin ken tädä ei tiijuštaisʼ , i šano : Andakkua hänellä šyyvä .
Viiješ piä
карельский: собственно карельское наречие
Новописьменный тверской
3
4
5
7
23
26
28