Тексты
Вернуться к списку | редактировать | удалить | Создать новый | История изменений | Статистика | ? Помощь
Šeiččimeš piä
Šeiččimeš piä
карельский: собственно карельское наречие
Новописьменный тверской
1 I
keräyvyttih Hänen luo fariseit i muuvennet kirjamiehistä , kumbazet tuldih Ijerusalimašta ;
2 I nähtyö muuvenžie Hänen opaššettavista muššilla käzillä , niin šanuo pežömättömillä , šyömäššä leibiä , haukuttih .
3 Fariseit i kaikin Iudejat , kuin kyynešpiäh šua ei peštäne käzie , ei šyyvä , vanhien opaššandua myötʼ ;
4 I turgulda kuin ei oššettane , ei šyyvä . I äijä muuvetta on , midä otatettih hyö pidiä vanhemmista : jiädieaštein , i puiziloin , i kattiloin , i posteliloin buglutandua .
5 Šiidä kyžyttih Händä fariseit i kirjamiehet : Mintäh Šiun opaššettavat ei luajita vanhembien opaššandua myötʼ , pežömättömillä käzillä šyyväh leibiä ?
6 A Hiän vaštah šano heilä : Hyvin ieldä päin teih näh viižahih šano Isaija Prorokka , kuin on kirjutettu : Tämä rahvaš huuliloila Milma hyvitetäh , a šiämi hiän edähänä Miušta on ;
7 Tyhjäh Milma hyvitetäh , opaštuasʼsʼa opaššandoih i inehmizien käššendöih .
8 Työ , jättähyö Jumalan käššennän , piettä inehmizien opaššandoja , puiziloin i jiäaštein pežendiä , i äijä muuvetta žen že jytyttä luajitta .
9 I pagizi heilä : Hyvin työ hylgiälettä Jumalan käššendiä , kuin vain omua opaššandua pidiä ?
10 Moisei šano : Šuurena pie tuattuoš i muamuoš ; a ken haukkuu tuattuogo , muamuogo , šurmalla kuolou .
11 A työ pagizetta : Kuin inehmine virkanou tuatollago , muamollago : Korvana , niin šanuo , lahja on , min šie pidäzit miušta ,
12 I žen tuačči että käšše hänellä millä hyvittiä omua tuattuo ali muamuo ,
13 Työ Jumalan šanašta piäličči mänettä omalla opaššannalla , mih opaššatta ; i äijä tämänjytyttä työ luajitta .
14 I kuččuhuo kaiken rahvahan , šano heilä : Kuunnelgua Milma kaikin , i maltakkua .
15 Mi ulguoda päin mänöy inehmizeh , že ei voi paganoittua händä ; a mi lähtöy häneštä , že paganoittau inehmistä .
16 Kellä on korvat kuulla , kuulgah !
17 I kuin mäni taloh rahvahašta , kyžyttih Häneldä Hänen opaššettavat arvautandah näh .
18 I šano heilä : Niingo i työ että ole maltajat ? Ettägo malta , jotto kaikki , mi ulguoda päin mänöy inehmizeh , ei voi paganoittua händä ?
19 Žentäh jotto ei mäne hänen šiämellä , a vaččah , i lähtöy poisʼ kaikki šyömine .
20 I pagizi : Mi lähtöy inehmizeštä , že paganoittau inehmistä .
21 Šiämeštä päin inehmizien šiämeldä lähtietäh pahat mielet , huigiet aziet naizinehmizien kera , tappamizet ,
22 Varraštamizet , otannat , abivoinnat , viižahukšet , muanivot , pahat aziet , šilmien lipittämine , koronda , šuurenduačomine , houkuš .
23 Kaikki nämä šiämeštä lähtietäh i paganoitetah inehmistä .
24 I šieldä lähtehyö , mäni Tiirun i Sidonan randah ; i mändyö taloh , tahto , kuin niken Händä ei tiedäisʼ , i ei voinun olla peitošša .
25 Kuuluštahuo Häneh näh , naine , kumbazen tyttäreššä oli lembo , i tulduo , langei Hänellä jalgoih :
26 Naine že oli Griečanka , roduzin Sirofinikiisʼtʼa , i ruguolih Hänellä porottua lembo hänen tyttäreštä .
27 Iisus šano hänellä : Vuota , ana enžistäh kylläššytäh poijat , eule hyvä kiskuo poijilda leibä i luuva koirilla .
28 I hiän vaštah šano Hänellä : Niin , Hospodi ; i koirat stolan alla šyyväh lapšien muruzista .
29 I Hiän šano hänellä : Täštä šanašta , mäne ; läksi lembo šiun tyttäreštä .
30 I mändyö hiän kodihize , nägi , jotto lembo läksi , i tytär’ venyy postelilla .
31 I tuaš , lähtehyö Iisus Tiirun i Sidonan rannašta , tuli Galilejan merellä Dekapolʼan ymbäryššällä .
32 I tuodih Hänen luo kuurnehen i mykettäjän i ruguoliečettih , kuin Hiän panisʼ hänen piällä kiän .
33 I otti hänen yhen rahvahašta , pani omat šormet hänen korvih i šylgehyö , koššahuttuačih hänen kieldä ;
34 I kačahtahuo taivahaže , hengähtih i šano hänellä : Jeffava , mi on : avauvu .
35 Šidä že aigua avauvuttih hänen korvat , i hävih jännä hänen kieleštä , i rubei pagizomah hyvin .
36 I kieldi heidä , kuin hyö nikellä ei šanottaisʼ . I min verran Hiän heidä kieldi , žen enämmän hyö šaneldih .
37 I ylen äijäldi diivuoliečettih , paissešša : Hyvin kaikki luadiu , i kuurnehie luadiu kuulomah , i mykkie pagizomah .
Šeiččimeš piä
карельский: собственно карельское наречие
Новописьменный тверской
2
4
7
12
13
22
26
34